Ngana 19:1-29
19 Disundidi o wete o kala nsukami yo kangalela kuna ziku+Ke mu kala zowa ko yo vova luvunu.+
2 Ke diambote ko muntu kakondwa zayi,+O nkwa ntim’a duku-duku,* osumukanga.
3 O uzowa wa muntu ubendomonanga nzil’andi,O ntim’andi Yave ufungilanga makasi.
4 E kimvuama akundi ayingi kiwokesanga,Kansi, o nsukami bembolwa kebembolwa kana nkutu kwa nkundi andi.+
5 O mbangi aluvunu tumbwa ketumbwa,+Ndiona ovovanga luvunu ke vuluka ko.+
6 Ayingi bevavanga dienga dia nkwa zitu,*Awonso bezolanga vanga kikundi ye ndiona okayanga tukau.
7 Avo nsukami omengwanga kwa mpangi zandi zawonso,+Vo i akundi andi nkutu vavuka bekumvavuka!+
Okubalandanga yo kubadodokela, kansi ke muntu ko okumvananga e mvutu.
8 Nkwa ngindu zambote,* okuyizolanga.+
Ndiona oyangalelanga umbakuzi, nluta kevua.*+
9 O mbangi aluvunu tumbwa ketumbwa,Ndiona ovovanga luvunu fwa kefwa.+
10 Ke difwene ko kwa zowa kazingila muna kimvuama;Ngatu ntaudi kayala zimfumu!+
11 O nkwa ngangu ke funganga makasi mu nzaki ko,+Diambote kuna kwa yandi mu viokesa e mbi.*+
12 E kasi dia ntinu dina nze nkwit’a nkosi,*+Kansi, e dienga diandi dina nze lowa muna matiti.
13 O mwan’a zowa se diandi kemwesanga e mpasi,+O nkento wazola ntantani* una nze nludi a nzo ukwamanananga noka.+
14 E nzo ye kimvuama i vua betambulanga o wana kwa mase,Kansi o nkento angangu i nkayilu utukanga kwa Yave.+
15 E kimolo wosola kia tulu kitwasanga,O molo nzala kefwa.+
16 Ndiona olundanga nkanikinu, moyo andi ketatidilanga;+Ndiona olembi lunga-lunganga nzila zandi, fwa kefwa.+
17 Ndiona ofwilanga nsukami e nkenda Yave kesompekanga,+Senda kekunsenda muna vangu diandi.+
18 Longa mwan’aku ekolo vena ye vuvu,+Kukadi nkwa kuma ko muna lufwa lwandi.*+
19 O muntu ofunganga makasi mu nzaki, tumbwa ketumbwa;Avo unyambulwidi, nkumbu miayingi ovanga wo.+
20 Wá luludiku yo tambulwila e longi,+Kimana wakala ye ngangu kuna sentu.+
21 E makani mayingi muna ntim’a muntu,Kansi lukanu* lwa Yave lusikila.+
22 E diambu ditoma yangalelwanga muna muntu i walakazi wandi;+Diambote mu kala nsukami ke mu kala nkwa luvunu ko.
23 O vumi wa Yave ufilanga ku moyo;+Ona wina wau, vuvama kevuvama ke kala mu vonza ko.+
24 O molo osidi koko kwandi muna pidi,Kansi kavangidi ngolo ko za nata ko muna nua.+
25 Wanda mvezi,+ kimana munkondwa ngangu kalûka,+Tumba nkwa umbakuzi kimana zayi wandi wawokela.+
26 Ndiona obangikanga se diandi yo yinga ngudi andiI mwana otwasanga nsoni yo luvezo.+
27 E mwan’ame, avo yambwidi wa longi,Vengomoka ovengomoka muna mpova za zayi.
28 O mbangi ambi ovezanga unsongi,+O nu’a kimpumbulu mambu mambi uminanga.+
29 Akwa luvezo tumbu bakubikilwa,+E nima za mazowa zakubikilwa e ngwanda.+
Mvovo vana yand'a lukaya
^ Mvovo wa sina: “Ona ozabuziokela o malu.”
^ Yovo “nkwa ntim’a mvevo.”
^ Mvovo wa sina: “wete kevua.”
^ Mvovo wa sina: “Ndiona ovua ntima.”
^ Yovo “kuzuka.”
^ Yovo “mwan’a nkosi.”
^ Yovo “wuninina.”
^ Yovo “Kuvavi lufwa lwandi ko.”
^ Yovo “luludiku.”
