Ngana 20:1-30
20 E vinyu mvezi,+ e malavu mankolwa kimpumbulu;+Ndiona ovukumukinanga mo ke nkwa ngangu ko.+
2 Nze nkwit’a nkosi, o ntinu wonga wayingi kemwesanga kwa wantu;+Ndiona oyangumunanga makasi mandi, moyo andi kesianga mu vonza.+
3 Dialuzitu kwa muntu ovenganga e ntantani,+Kansi o zowa okuyikotesanga mo.+
4 O molo muna nsungi a mbangala ke vatanga ko,I dianu vo muna nsungi a nkutika okala se nlombi, wau vo kena ye lekwa ko.*+
5 E makani* muna ntim’a muntu mena nze maza masina,Kansi o nkwa umbakuzi ovaikisa mo oku mbazi.
6 Wantu ayingi bekuyisananga vo akwa walakazi,Kansi nani olenda solola nkwa kwikizi?
7 O nsongi okangalelanga muna ziku kiandi,+Akwa kiese o wana ana bekunlandila.+
8 Avo ntinu ovuende vana kunda muna fundisa,+Ofimpulula wantu ambi muna meso mandi.+
9 Nani olenda vova vo: “Mpelelese ntim’ame;+Mpelele muna sumu diame”?+
10 E balanza yaluvunu ye nzongo aluvunu,*Yau yole yangemi kuna kwa Yave.+
11 O mwana* nkutu ozayakene muna mavangu mandi,Kana vo mavangu mandi mavelela ye mansongi.+
12 O kutu kuwanga ye disu dimonanga,Yau yole Yave wavanga yo.+
13 Kuzodi tulu ko, kadi se wasukama.+
Ziula o meso kimana wakala yo madia mayingi.+
14 “Ke kiambote ko, ke kiambote ko!” ukavovele o nsumbi;I bosi wele kwandi ye kuyisana muna kinkita kavangidi.+
15 Vena ye wolo, vena ye ulolo wa makolado,*Kansi o nua usamunanga nzayilu i lekwa kiantalu.+
16 Bonga mvuatu mia muntu avo obundidi nzenza e ntulu;+Umbonga nsimbi avo obundidi nkento a nzenza e ntulu.+
17 E mbolo ina muntu kabakila muna luvunu yantomo,Kansi kuna kulanda, o nu’andi uzala ye mbwekesi.+
18 Vana vena mbokena* o makani mesikila,+Muna luludiku lwa ngangu onuanina vita.+
19 O nkwa makumbu osengomonanga mbumba;+Ndiona ozolanga makumbu* kukadi yandi kikundi ko.
20 Ndiona osibanga se diandi ye ngudi andi,E mwinda andi uzimwa vava tombe kilwaka.+
21 E mavua mabakilwa muna loko kuna lubantiku+Ke metwasa nsambu ko kuna mfoko.
22 Kuvovi ko vo: “Landa ilanda e kunda!”+
Bunda Yave e vuvu,+ okuvuluza.+
23 E balanza yaluvunu yangemi kuna kwa Yave,O nzongo aluvunu ke wambote ko.
24 Yave ofilanga ntambi za muntu;+O muntu aweyi kalenda zayila nzil’andi?*
25 I ntambu kwa muntu ovovanga lembi teka yindula vo “Diavauka!”+
I bosi keyindula dina kadididi e ndofi.+
26 O ntinu angangu ovambulanga yimpumbulu+Yo kubadiatakesa muna lungungu lwa bundilwa.+
27 E fulumwinu kia muntu i mini kia Yave,Kifimpanga nsi andi a mbundu.
28 O walakazi ye ziku i lutaninu lwa ntinu;+Muna walakazi olunga-lunganga e kunda kiandi.+
29 O nkembo a matoko i nkum’au,+O wete w’anunu i mvu zau.+
30 E mputa ye ngwandwa mbi zikatulanga,+E ngwandwa, nsi a mbundu zivelelesanga.
Mvovo vana yand'a lukaya
^ Nanga, “Vava kevava muna nsungi a nkutika, kansi ke solola lekwa ko.”
^ Mvovo wa sina: “O luludiku.”
^ Yovo “Tezelo yole ya tadi yaswaswana ye mvungu miole mia zongela miaswaswana.”
^ Yovo “mwan’a yakala.”
^ Tala Nsas’a Mvovo.
^ Yovo “luludiku.”
^ Yovo “Ndiona ovukumunanga ankaka muna befo yandi.”
^ Yovo “nzila ina kafwete landa.”
