Ngana 21:1-31
21 O ntim’a ntinu una nze nkukula za maza vana koko kwa Yave.+
Ovilulanga zo konso kuna kazolele.+
2 E nzila za muntu zawonso zambote vana meso mandi,+Kansi Yave ofimpanga ntima.*+
3 O vanga diambu diambote ye diansongiDilutidi yangidika Yave ke mu kimenga ko.+
4 O meso ma lulendo yo ntim’a umvuania;E mini kifilanga yimpumbulu i sumu.+
5 E makani ma nkwa fululu nluta metwasanga,+Kansi akwa ntim’a duku-duku sukama besukama.+
6 O mavua mebakilwanga muna luvunuMena nze mbungezi ilalanga, ntambu a lufwa.*+
7 O nsoki wa yimpumbulu ukubafwasa,+Kadi batinini vangila mambu muna unsongi.
8 E nzil’a muntu ovangidi e mbi yabendomoka,Kansi mavangu ma mveledi mansongi.+
9 Disundidi owete mu zingila vana konko kia nludi a nzo,Ke mu zingila mu nzo mosi ko yo nkento wazola ntantani.*+
10 E kimpumbulu olakukilanga mambu mambi o moyo;+Ke fwilanga nkwandi nkenda ko.+
11 Avo mvezi otumbilu, o zowa obakidi ngangu,O nkwa ngangu avo olongelo,* obakidi zayi.+
12 O Nsongi otalanga nzo a kimpumbulu;Obwisanga yimpumbulu muna mpasi.+
13 Ndiona okakanga matu muna kazu kia nsukamiYandi mpe oboka, kansi ke tambulwilwa ko.+
14 O lukau luvaninuanga kuna kinsweki makasi lulembekanga,+E mbabu ya kinsweki,* nsita za makasi ilembekanga.
15 Diakiese kwa nsongi mu vangila mambu muna unsongi.+
Kansi diambu diansisi dibwila awana bevanganga mambu mambi.
16 O muntu ovengomokanga muna nzil’a lulungalaluOvunda kumosi ye awana bafwa.*+
17 O munzodi a nsaka,* sukama kesukama;+O munzodi a vinyu yo mazi ke vuama ko.
18 E kimpumbulu i lukûlu kuna kwa nsongi,O nyekodi vana fulu kia nsongi kevinga.+
19 Disundidi owete mu zingila muna makangaKe mu zinga kumosi ko yo nkento wazola ntatani* ye nkwa makasi.+
20 Lusalu lwantalu yo mazi mu nzo a nkwa ngangu mena,+Kansi e zowa dia muntu ofwasanga* ina kena yau.+
21 Ndiona ovavanga unsongi yo walakazi,Moyo, unsongi yo zitu kesolola.+
22 O nkwa ngangu olenda tomboka yaka kia* mbanz’a makesaYo kulula nkuma una besianga e vuvu.+
23 Ndiona olunga-lunganga nu’andi ye lubini lwandiVevoka kevevoka muna mpasi.+
24 Oyikilwanga vo mvezi, nkwa lulendo ye nkwa umvuaniaNdiona oluta vangilanga mambu kuna umvuania.+
25 E nsatu za molo vonda zikumvonda,Kadi moko mandi mamengene o sala.+
26 E lumbu kiamvimba ozinukinanga nsatu zandi,Kansi, o nsongi okayanga kuna mvevo.+
27 E kimenga kia yimpumbulu kiangemi.+
Musungula avo otambikidi kio ye kani diambi!
28 O mbangi a luvunu fwa kefwa,+Kansi ndiona otoma wunikinanga, e kimbangi kiandi sikila kisikila.*
29 E kimpumbulu osonganga vana ndose andi vo kena ye nsoni ko,+Kansi, o nsongi yandi una ye nzila yasikila.*+
30 Ke vena ngangu ko yovo umbakuzi, ngatu luludiku lutelamena Yave.+
31 O mvalu wakubikilwa muna lumbu kia vita,+Kansi o luvuluzu lwa Yave.+
Mvovo vana yand'a lukaya
^ Yovo “makani.”
^ Nanga, “kw’awana bevavanga lufwa.”
^ Yovo “wuninina.”
^ Yovo “obakwidi.”
^ Mvovo wa sina: “E mbabu vana mfokola.”
^ Mvovo wa sina: “Ovunda kumosi y’awana bakondelo nkuma muna mafwa.”
^ Yovo “nkembo.”
^ Yovo “wuninina.”
^ Mvovo wa sina: “ominanga.”
^ Yovo “baka.”
^ Mvovo wa sina: “ovova yakwele mvu.”
^ Yovo “osikidisanga nzil’andi.”
