Nkunga 51:1-19
Kuna kwa ntwadisi a nkunga. Nkung’a Davidi, vava Natani wa ngunza kalwakila Davidi vava kata zumba yo Bate-seba.+
51 E Nzambi, umfwa e nkenda mun’owu wa walakazi waku.+
Muna ulolo wa nkenda zaku, vunzuna masumu mame.+
2 Unsukula emvimba muna bi wame.+
Umpelelesa muna sumu diame.+
3 Kadi ntomene zaya o bi wame,E sumu diame dina ova ngina* ntangwa zawonso.+
4 Ngeye nsumukini, ngeye kaka nsumukini;+Diambu diambi mpangidi vana meso maku.+
Kimana wasonga vo u nkwa unsongi vava ovovanga,U nkwa unsongi muna mfundis’aku.+
5 Kieleka, muna mbi yawutukila,Muna sumu yayimitinua kwa ngudi ame.*+
6 Nzeye wo vo ngeye oyangalalanga vava osololanga e ludi muna ntim’a muntu;+Longa ngangu zakieleka muna nsi ame a mbundu.*
7 Umpelelesa muna sumu diame muna isopo kimana yavelela;+Unsukula, kimana yapemba lutila mvul’ampembe.+
8 Ungiambula yawá nding’a luyangalalu ye kiese,Kimana e visi ina wakosomona yamona e kiese.+
9 Kutadi* masumu mame ko,+Vunzuna o bi wame wawonso.+
10 Sema ntim’avelela omu mono, e Nzambi,+Sia mwand’ampa+ omu mono, owu wasikila.
11 Kungingi ko vana ndose aku;Kunkatula mwand’aku avelela ko.
12 Umputula kiese kia luvuluzu lwaku;+Sikamesa luzolo lwa kulemvokela omu mono.*
13 Longa ilonga nzila zaku kw’asumuki,+Kimana bavutuka kwa ngeye.
14 Umpevola muna nkanu a menga,+ e Nzambi, e Nzambi a luvuluzu lwame,+Kimana lubini lwame lwateleka unsongi waku kuna kiese.+
15 E Yave, ziula befo yame,Kimana o nu’ame wasamuna nkembo aku.+
16 Kadi kuzolele kimenga ko, nga ivene kio;+Kuyangalele lukau lwawonso lwa ngioka ko.+
17 E yimenga iyangidikanga Nzambi, mwand’a kosomoka;O ntima wa budika yo kosomoka, e Nzambi, kubembola* wo ko.+
18 Muna luzolo lwaku lwambote, ovangidi o wete kwa Zione;Tungulula e yaka ya Yerusaleme.
19 I bosi oyangalela yimenga ya unsongi,Yimenga yawonso ya ngioka;Betambika ngombe za makoko vana ziku.+
Mvovo vana yand'a lukaya
^ Yovo “omu ngindu zame.”
^ Yovo “Yasumuka tuka muna vumu kia ngudi ame.”
^ Yovo “kiwuntu kiame.”
^ Mvovo wa sina: “Sweka ndose aku muna.”
^ Mvovo wa sina: “Unsikinina yo mwand’a mvevo.”
^ Yovo “kuveza.”
