Yesaya 3:1-26
3 Kadi nutala! O Mfumu aludi, o Yave wa vu,Mu katula kena lusadisu lwa mpila zawonso ye yawonso ya vukila muna Yerusaleme ye Yuda,I sia vo, lusadisu lwawonso lwa mbolo yo maza,+
2 Bamba-ngolo yo kesa,Mfundisi yo ngunza,+ ngang’a ngombo yo nkuluntu,
3 Mfumu a 50,+ nyadi yo nludiki,Nkwa mavangu ma mpandu ye nlemvodi a nioka.+
4 Ikitula aleke se mfumu zau,Ye akwa vilu-vilu bekubayala.
5 O wantu bebangika muntu yo kwandi,Konso muntu yo nkwandi.+
O nleke onuanisa o mbuta,Ona ovezwanga ofilana e mpaka yo ndiona ozitiswanga.+
6 Konso muntu osimbinina o mpangi andi muna nzo a se diandi yo vova vo:
“Ongeye nzaka una wau—kala se nyadi eto.
Kala se mfidi a zumbu diadi.”
7 Kansi, muna lumbu kiakina oyandi ovutula vo:
“Kiwuka mputa zaku ko;*Kina yo madia ko ngatu mvuatu muna nzo ame.
Ke nunkitula se nyadi a nkangu ko.”
8 Kadi e Yerusaleme itele sakuba,E Yuda ibwidi,
Wau vo batelamene Yave muna mvovo ye muna mavangu;Bavangidi mambu ma ukolami vana ntadisi a nkembo andi.*+
9 E zizi yau ibafundidi,*Bevovelanga masumu mau nga esi Sodoma;+Ke beswekanga mo nkutu ko.
Tâtu kwa yau,* kadi bekuyitwasilanga lufwasu!
10 Zayisa kwa ansongi vo mambu mau mambote mekala;Besendwa mu mana bevanganga.*+
11 Tâtu kwa muntu ambi!
E mpasi zikumbwila,Kadi dina divangidi o moko mandi i diau divangwa kwa yandi!
12 Vo i nkangu ame, ubangikwanga kwa afidi au a salu,Yo yalwa kwa akento.
E nkangu ame, afidi eno bekunutungianisanga,Yo vilakesa mayendelo meno.+
13 Yave okubamene kasunzula o mfundu andi;Otelamene kabaka e nzengo mu kuma kia minkangu.
14 Yave ofundisa akuluntu a nkangu andi ye mfumu zau.
“Oyeno nuyokel’e mpatu a vinyu,Kina nuyiyidi kwa nsukami kina muna nzo zeno.+
15 Mu diambu dia nki nudiatakeselanga o nkangu ameYo nika e ndose za nsukami vana ntoto?”+ U kavovele o Mfumu Yave a vu.
16 Yave ovovele vo: “Wau vo wan’amakento a Zione akwa lulendo,Bekangalanga ye ntu muna zulu,*Belengelekanga o meso mau, niongota wau bekwendanga,Ye bevanganga mazu muna nlunga miau mia malu,
17 Yave ozadisa e ntu mia wan’amakento a Zione yo makodia,*O Yave osenzeka e ndose zau.+
18 Muna lumbu kiakina, Yave okatula e ntoko a nlunga miau mia malu,E tenda ya kanga ku ntu ye lekwa ya kuyiviengesela ina nga ngonde ya ndambu,+
19 E lunga ya matu, e nlunga mia moko, fukwa kia lose,
20 Fukilwa ya ntu, nsanga mia malu, tenda ya kanga va tulu,Bungwa ya mazi mansunga ye nsanga,
21 Mpeto ye nlunga mia nzunu,
22 E mvuatu mia nkembo, yunga, mvuela, nkutu za moko,
23 Pelo za moko+ ye mvuatu mia lino,*E mpu za nlele ye fukwa kia lose.
24 Vana fulu kia nsunga za mazi ma balasamu,+ vevinga nsudi;Vana fulu kia mponda, nsinga;Vana fulu kia nsuki zatoma singikwa, luvanda;+Vana fulu kia mvuatu miantalu, mvuatu mia ngoto;+Vana fulu kia vienga, fu kia tiya.
25 O wantu aku bebwila muna nsosolo,O mabamba-ngolo maku muna vita.+
26 E mbanza ina nze nkento okatwilu mavua mandi mawonso+Ona ovuende vana ntoto ankatu.”+
Mvovo vana yand'a lukaya
^ Yovo “Kikala nwuki aku ko.”
^ Mvovo wa sina: “vana meso ma nkembo andi.”
^ Mvovo wa sina: “ibasididi umbangi.”
^ Yovo “kwa moyo au.”
^ Mvovo wa sina: “Bedia e mbongo a mavangu mau.”
^ Mvovo wa sina: “ye nsingu zananguka.”
^ Yovo “mabanda.”
^ Yovo “yunga.”
