Yesaya 4:1-6
4 Muna lumbu kiakina, akento nsambwadi besimbinina yakala dimosi+ yo vova vo:
“Mbolo a yeto kibeni tudiaYo vuata e mvuatu mia yeto kibeni;Yambula twayikilwa kaka muna nkumbu akuMuna katula luvezo lweto.”*+
2 Muna lumbu kiakina, ina o Yave kemenesa ikala yambote ye yankembo, awana besala o moyo muna Isaele bekuyisana yo yangalala mu kuma kia mbongo a nsi.+
3 Awonso besala muna Zione ye ana besala muna Yerusaleme beyikilwa vo bavauka, awonso basonekwa muna Yerusaleme mu kwamanana zinga.+
4 Vava o Yave kesukula e mvindu a* wan’amakento a Zione+ yo katula e mbunguka menga vana kati kwa Yerusaleme muna mwand’a mfundisa ye muna mwand’a ngioka,*+
5 o Yave ovanga mpe tuti yo mwisi muna mwini, tiya twankezimi muna fuku vana ntandu a Mongo a Zione wawonso ye vana ntandu a fulu kia tukutakanu twandi twampwena;+ vana ntandu a fulu kiawonso kiankembo vekala ye fukwa kia lutaninu.
6 Vekala ye sudi mu kuma kia viozi muna mbangazi a mwini,+ tininu ye swekameno mu kuma kia tembwa ye mvula.+
Mvovo vana yand'a lukaya
^ I sia vo, luvezo lwa lembi sompa yo lembi wuta wana.
^ Mvovo wa sina: “e doti dia.”
^ Yovo “mwand’a luveleleso.”
