Yesaya 42:1-25
42 Tala e selo kiame,+ ona isadisanga!
Ona yasola,+ ona ngiangalele!*+
Nsidi o mwand’ame muna yandi;+Oyandi otwasa unsongi kwa azula.+
2 Ke kaza ko ngatu zangula e nding’andi,Ke yambula ko vo e nding’andi yawakana muna nzila.+
3 E tutu diabosoka ke tolola dio ko,O nsing’a mwinda ufwitanga o mwisi ke zima wo ko.+
Muna ziku ketwasila unsongi.+
4 Oyandi ke yoya ko ngatu bosolwa yavana kesikidisa unsongi ova ntoto;+E sanga ikwamanana vingila o nsiku andi.*
5 I wau wuwu kavovele o Yave wa Nzambi aludi,O Nsemi a zulu, Ndiona wayalumuna dio,+Ndiona wayalumuna o ntoto ye ina ivaikanga mo,+Ndiona ovananga e fulumwinu kwa nkangu uzingilanga vo+Yo mwanda kwa awana bediatilanga vo:+
6 “Mono Yave, ibokele muna unsongi;Nsimbidi o koko kwaku.
Ikutanina, ongeye okala se kangu vana vena mono yo nkangu+Se ntemo kuna kwa azula,+
7 Kimana watemona o meso m’ampofo,+Wavaikisa abakami muna pelezo ya nsi a ntotoYo vaikisa muna pelezo awana bavuende muna tombe.+
8 Mono i Yave. Eyayi i nkumbu ame;Kivananga nkembo ame kwa muntu ankaka ko,*Ngatu lusanisinu lw’ame kwa teke yavalwa.+
9 Tala, mambu mantete mavangamene kala;Owau mambu mampa isamunanga.
Vitila mavangama, izayisanga mo kwa yeno.”+
10 Nuyimbidila Yave nkung’ampa,+O nkembo andi tuka kuna nsuka za nza,+Oyeno nukangalelanga mu nzaza muna kalunga ye yawonso izingilanga mo,Yeno sanga ye awana bezingilanga mo.+
11 Yambula makanga ye mbanza zandi zazangula e ndinga zau,+O mavata mezingilanga Keda.+
Yambula awana bekalanga muna zunga ya matadi bakaza ye kiese;Yambula bakaza tuka vana mbata za miongo.
12 Yambula bavana o nkembo kwa YaveYo samuna o nkembo andi muna sanga.+
13 Yave ovaika nga nkwa nkuma.+
Osikamesa o vema kwandi nga kesa dia vita.+
Oyandi okaza, elo, ovaikisa kazu kia vita;Okuyisonga vo osundidi e mbeni zandi o nkuma.+
14 “Mbutamene mu kolo kiandá.
Nkwamanene pi-i yo kanga o ntim’ame.
Nze nkento owutanga,Muna nkumbu wau umosi, ibuma, twema yo kondwa e fulumwinu.
15 Ifwasa e miongo ye kundubuluYo yumisa e titi yau yawonso.
Ikitula e nkoko se ntoto ayuma*Yo yumisa mayanga ma maza mazala ye mabu.+
16 Inata ampofo muna nzila ina ke bazeye ko+Yo kubadiatisila muna mayendelo ke mazayakene ko.+
Ikitula e tombe se ntemo vana ntadisi au+Yo kitula o ntoto a mawulu se walelama.+
I mau mama ivanga mu kuma kiau, kikubabembola ko.”
17 Awana bebundanga e vuvu muna teke yavalwa,Awana bevovanga kwa teke yasengwa* vo: “Yeno i nzambi zeto,”Bevutulwa manima yo fusulwiswa kikilu e nsoni.+
18 Nuwá, yeno afwa-matu;Nutala yo mona, yeno ampofo.+
19 Nani i mpofo avo ke selo kiame ko?
Nani osundidi fwa-matu, nga ke nati a nsangu ona ntumini ko?
Nani osundidi kimpofo, nga ke ndiona osendelo ko?
Nani osundidi kimpofo, nga ke selo kia Yave ko?+
20 Mambu mayingi omonanga, kansi kusianga sungididi ko.
O matu maku maziuka, kansi kuwanga ko.+
21 Mu kuma kia unsongi wandi,Yave oyangalele tundidika o nsiku* yo kitula wo se wankembo.
22 Kansi owau i nkangu usanzilu yo yiwa;+Yau awonso bakangamene muna nduka yo swekama muna mapelezo.+
Basanzilu kondwa kwa muntu kabavuluza,+Bayiyilu kondwa kwa muntu ovova vo: “Nubavutula!”
23 Nani vovo nuina owá e diambu diadi?
Nani osia e sungididi yo wá mu longoka diambu mu kuma kia lumbu ikwiza?
24 Nani wavana Yakobo se sanzuYo tambika Isaele kwa asanzi?
Nga ke Yave ko, Ndiona twasumukina?
Oyau ke bazola diatila muna nzila Zandi ko,Ye ke bazola lemvokela nsiku Andi* ko.+
25 Muna diadi, okwamanene kunyitidila e nsita zandi,Makasi mandi ye fwenka dia vita.+
Tiya twa vita tukwamanene bomona yawonso muna kinzieta kiandi, kansi yandi kasie sungididi.+
Tunyokele, kansi kasidi dio mu ntima ko.+
Mvovo vana yand'a lukaya
^ Yovo “ona moyo ame uyangalele.”
^ Yovo “luludiku lwandi.”
^ Yovo “Kikayananga nkembo ame yo muntu ankaka ko.”
^ Mvovo wa sina: “se sanga.”
^ Yovo “teke yazunzwa.”
^ Yovo “luludiku.”
^ Yovo “luludiku Lwandi.”
