Yesaya 47:1-15
47 Kulumuka, vuanda vana mbundukutu,E mwenze wa mwan’ankento a Babele.+
Vuanda vana ntoto vana vakondelo e kunda kia kimfumu,+E mwan’ankento a Akaladi,Kadi o wantu ke bekuyikila diaka ko vo wakondwa ngolo ye walutulwa.
2 Bonga e nikinua kia moko, nika e mfumfu.
Katula e fukwa kiaku.
Katula e saya, fukula o malu maku.
Sauka e nkoko.
3 E kimpene kiaku kimoneka.
E nsoni zaku zisenzekwa.
Landa ilanda e kunda,+ ke vena muntu ko okunsima.
4 “O nkûdi eto—Yave a vu i nkumbu andi—Yandi i Mvauki a Isaele.”+
5 Vuanda e pi-i, kota muna tombe,E mwan’ankento a Akaladi;+Oyau ke bekuyikila diaka ko vo Mfumu Ankento* a Yintinu.+
6 Mfungidi nkangu ame o makasi.+
Nsafwidi e vua diame,+Ibayekwele vana moko maku.+
Kansi kubafwididi nkenda ko.+
Osidi e vangu kiazita kana nkutu kuna kwa anunu.+
7 Ovovele vo: “Ikala kaka se Mfumu Ankento* yakwele mvu.”+
Kusidi mambu mama mu ntima ko;Kuyindwidi ko una mambu mefokokela.
8 Owau wá e diambu edi, ngeye nzodi a mawete,+Ona ovuende mu luvuvamu, ona ovovanga muna ntim’andi vo:
“Mono nsundidi o mfunu, ke vena ona ofwanane yame ko.+
Kifwilwa yakala ko.
Kisinga fwilwa mpe wana ko.”+
9 Kansi, o mambu mole mama mekubwila kuna kinsalukisa, mu lumbu kimosi:+
Ofwilwa o wana, ofwilwa yakala.
Mekubwila mu tezo kiafwana+Mu kuma kia* ulolo wa yindoki yaku ye nkisi miaku miawonso miangolo.+
10 Obundidi e vuvu muna bi waku.
Ovovele vo: “Ke vena muntu ko umbwene.”
E ngangu zaku yo zayi waku ubendomwene,Ovovele muna ntim’aku vo: “Mono nsundidi o mfunu, ke vena ona ofwanane yame ko.”
11 Kansi, olwakilwa kwa mpasi,E nkisi miaku ke milenda wo kakidila ko.*
E mpasi zikulwakila; kulenda zo vengomona ko.
Olwakilwa kwa lufwasu lwa kinsalukisa luna kusidi mona ko.+
12 Ozevo, kwamanana ye nkisi miaku ye ulolo wa yindoki yaku,+Ina ofuntukinanga tuka kileke kiaku.
Nanga olenda yo vuila nluta;Nanga olenda sivikisa wantu.
13 Oyoyele mu kuma kia vava ulolo wa aludiki.
Owau, yambula batelama yo kuvuluza,Awana besambilanga e lekwa ina kuna zulu,* ana betalanga e ntetembwa,+Awana besadilanga e nzangama za ngondeMuna zayisa e mambu mekubwila.
14 Tala! Oyau bena nga titi.
O tiya tukubabomona.
Ke balendi kuyivuluza ko muna nkum’a nlaku a tiya.
Oyau ke makala ma tiya ma yotela ko,Ngatu tiya twa vuandila vana ndambu.
15 I wau bekituka avangi aku a nkisi kuna kwa ngeye,Awana befuntukanga yaku tuka muna kileke kiaku.
Beyungana, konso muntu muna nzil’andi.*
Ke vekala muntu ko okuvuluza.+
Mvovo vana yand'a lukaya
^ Yovo “Ntinu Ankento.”
^ Yovo “Ntinu Ankento.”
^ Nanga, “Kanele vo.”
^ Yovo “Kulenda sadila nkisi miaku ko mu vengomona zo.”
^ Nanga, “Awana bekayanesanga e zulu; Afimpi a ntetembwa.”
^ Mvovo wa sina: “zunga kiandi.”
