Kuna kwa wantu ayingi, e fu kia sia e mpambula mu kuma kia nswanswani a se ya nitu, ke kifokoka ko.

•   “Omu nza yawonso, e fu kia sia e mpambula kikwamanananga fwasa nkubika, yintwadi ye buka ya wantu a mpila zawonso. E fu kia sia mpambula kikwamanananga fila wantu mu mengaziana.”— Mvovo mia António Guterres, Nsoneki a Nações Unidas.

 E fu kia sia mpambula mu kuma kia nswanswani a se ya nitu, nga kisinga fokoka? E Bibila adieyi kivovanga?

 Bibila kikutulonganga una Nzambi kebakilanga wantu a se ya nitu yaswaswana.

•   “[Nzambi] muna muntu mosi kavangila zula yawonso, kimana bazingila ova ntoto.”—Mavangu 17:26.

•   “Nzambi ke sianga mpambula ko, kansi muna zula yawonso, ndiona okumvumina yo vanga mambu mansongi otondwa kwa yandi.”—Mavangu 10:34, 35.

 Bibila kivovanga vo wantu awonso bafwanana. O Nzambi otondanga wantu a makanda mawonso.

 E mpambani mu kuma kia se ya nitu mu Kintinu kia Nzambi yovo luyalu lwa zulu ifokokela. O luyalu lwalu lulonga o wantu kimana bakadilanga ye akwau muna unsongi. O wantu belongoka una besundila e fu kia sia mpambula.

•   “Awana bezingilanga muna nsi belongokanga unsongi.”—Yesaya 26:9.

•   “O nlut’a unsongi wakieleka ukala se luvuvamu, o nsendo a unsongi wakieleka ukala se luvuvamu yo lutaninu lwakwele mvu.”—Yesaya 32:17.

 O unu, mafunda ye mafunda ma wantu belongokanga muna Bibila, una balenda kadila ye akaka kuna unsongi yo luzitu.

•   Muna zaya diaka mayingi, tanga e Sikama! dina yo ntu a diambu vo “Nga e Fu kia Sia Mpambula Kisinga Fokoka?”

•   Amase muna zaya una nulenda mokenena yo wan’eno e diambu ditadidi sia mpambula, nutanga e longi “Como falar com seus filhos sobre racismo.”