LONGI DIA 05
Bibila i Nsangu za Nzambi Kuna kwa Yeto
Yave watuvana lukau lwamfunu, i sia vo, Bibila. O lukau lwalu luna ye nkanda 66 miakete. Kansi, nanga olenda kukiyuvula: ‘Akweyi Bibila kiatuka? Nani wasonekesa? Muna baka e mvutu za yuvu yayi, yambula twavovela una Bibila kialwakila kwa yeto.
1. Avo wantu basoneka Bibila, ekuma tuvovelanga vo kwa Nzambi kiatuka?
Tezo kia wantu 40 basoneka e Bibila, mu kolo kia mvu 1.600, tuka muna mvu wa 1513 V.T.K. yamuna mvu wa 98 T.K. Asoneki awaya salu yaswaswana basalanga, akaka muna yau bakala avungudi a mameme, abaki a mbizi za maza ye atinu. Kanele vo i wau, Bibila ngwizani kina. Ekuma? Kadi Bibila i Diambu dia Nzambi. (Tanga 1 Tesalonika 2:13.) Asoneki ke basoneka ngindu za yau kibeni ko, kansi, “bavova mana matuka kwa Nzambi wauna bafidilwa kwa mwand’avelela.” a (2 Petelo 1:21) Nzambi wasadila mwand’andi avelela mu vumunuina yovo fila asoneki awaya mu soneka ngindu zandi.—2 Timoteo 3:16.
2. Nani olenda vua nluta mia nsangu zina muna Bibila?
E “zula yawonso, makanda, ndinga ye nkangu,” balenda vua nluta mia nsangu zambote zina muna Bibila. (Tanga Lusengomono 14:6.) Nzambi wavanga mawonso kimana e Bibila kia sekolwa mu ndinga zayingi lutila nkanda miankaka muna lusansu lwa wantu. Muna mpila yayi, wantu awonso balenda tanga Diambu dia Nzambi, kiakala nkia fulu bezingilanga yovo nkia ndinga bevovanga.
3. Adieyi Yave kavanga mu tanina e Bibila?
Kuna lubantiku Bibila kiasonekenua muna lekwa ke itoma zingilanga ko, nze nkanda mia bulu ye mabu. Kansi, awana batoma zolanga e Bibila babandula yo bandulula kio muna moko. Akwa nkuma mpe bavava fukisa e Bibila, kansi akaka basia nkutu mioyo miau mu vonza muna tanina kio. Muna mpila yayi, Yave kayambula ko vo konso lekwa yovo muntu kakakidila e nsangu zandi zalembi lwaka kwa yeto. E kiaki i ziku kisonganga vo: “Diambu dia Nzambi eto dizinga yakwele mvu.”—Yesaya 40:8.
ZAYA DIAKA MANKAKA
Zaya e mpila Nzambi kavumunuina wantu mu soneka Bibila, una katanina kio ye dina kavanga kimana Bibila kialwaka kwa wantu awonso.
4. Bibila kisunzulanga ona Wasonekesa kio
Tala e VIDEO. I bosi, tanga 2 Timoteo 3:16 yo vana e mvutu za yuvu ilende.
-
Avo wantu basoneka Bibila, ekuma kiyikilwanga vo Diambu dia Nzambi?
-
Nga okwikidi wo vo Nzambi wafwana zayisa e ngindu zandi kwa wantu ana basoneka e Bibila?
Mfumu a salu olenda lomba kwa nsoneki kasoneka o nkanda, kansi o nkanda wa mfumu andi kadi ngindu zandi zina mo. Diau dimosi mpe, wantu basoneka Bibila, kansi e nsangu zina mo kwa Nzambi zatuka
5. E mbeni ke balenda fukisa Bibila ko
Wau vo Bibila kwa Nzambi kiatuka, wavanga mawonso mu tanina kio kimana kiakwamanana yamu wau. Muna lusansu lwawonso, akwa nkuma bavava fwasa e Bibila. E mfumu za mabundu ke bazolanga ko vo wantu batanga e Bibila. Kanele vo basiwa kitantu yovo vumiswa, ndonga basia e mioyo miau mu vonza muna tanina e Bibila. Yambula twazaya mosi muna wantu awaya. Tala e VIDEO, i bosi, vana e mvutu za yuvu ilende.
-
Ozaya vo mayingi mavangwa muna tanina e Bibila, nga difididi mu kala ye luzolo lwa tanga kio? Ekuma?
Tanga Nkunga 119:97, i bosi, vana e mvutu za kiuvu eki:
-
Adieyi diafila wantu ayingi mu sia e mioyo miau mu vonza muna sekola yo kayanesa e Bibila?
6. Bibila kiakubikwa mu kuma kia wantu awonso
Bibila i nkanda usundidi o sekolwa yo kayaneswa muna lusansu lwa wantu. Tanga Mavangu 10:34, 35, i bosi, vana e mvutu za yuvu eyi:
-
Ekuma Nzambi kazolele vo e Diambu diandi diasekolwa yo kayaneswa?
-
Nkia diambu diyangidikidi mu kuma kia Bibila?
Wantu
ayingi
omu nza
bena ye Bibila muna ndinga bebakulanga
Kiasekolwa mu vioka
3.000
ma ndinga
kiamvimba yovo ndambu
5.000.000.000
I tezo kia lutangu lwa Bibila lunietekwanga
lutila nkanda miawonso
AVO MUNTU UVOVESE VO: “E Bibila nkanda wankulu wasonekwa kwa wantu.”
-
Nkia mvutu okumvana?
-
Nkia ziku una kiau kisonganga vo Bibila i Diambu dia Nzambi?
MAMBU MASINA MA LONGI DIADI
Bibila i Diambu dia Nzambi ye wavanga mawonso kimana kialwaka kwa wantu awonso.
Nkia Mambu Olongokele?
-
Vava tuvovanga vo Nzambi wavumunuina wantu basoneka e Bibila, aweyi disongele?
-
Nkia diambu dikusivikisanga muna mpila e Bibila kiataninua, sekolwelwa yo kayaneswa?
-
Aweyi omonanga wau ozeye wo vo Nzambi ovanganga mawonso mu mokena yaku?
TALA MPE OMA MALENDE
Tanga lusansu lwa Bibila, tuka muna sono yankulu yamuna nsekola za unu.
Zaya una e Bibila kiavukila muna vonza tatu.
Tala una wantu basila mioyo miau mu vonza muna sekola e Bibila.
E Bibila kiabandulwa yo sekolwa nkumbu miayingi. Aweyi olenda kadila ye ziku vo e nsangu zina mo ke zasobwa ko?
“Nga Mambu Mankaka Muna Bibila Masobwa?” (Longi dina muna jw.org)
a Nze una tulongoka muna longi dia 7, o mwand’avelela i nkum’a Nzambi.
Nanga Oyangalela Mpe Malongi Mama
YUVU ITOMA YUVULWANGA
Ameyi Mevangamanga Muna Longi dia Bibila ye Mbangi za Yave?
Muna programa yayi ya ngovo ya longokela isadilwanga kwa Mbangi za Yave, olenda sadila kwaku konso nsekola ya Bibila. Olenda kwaku bokelesa esi nzo aku yawonso yovo akundi aku ana ozolele.
