Жыл сайын ар кандай баңгизаттарды, анын ичинде мыйзамсыз сатылгандарын колдонгондун аркасында миллиондогондордун өмүрү кыйылат. COVID-19 пандемиясынын убагында бул көйгөй ого бетер күч алды. Ыйык Китептеги даанышман кеңештер көптөргө баңгизаттан арылганга жардам берип келет. Эгер силер да ушундай жаман адат менен алпурушуп жүргөн болсоңор, Ыйык Китеп силерге да көмөк кылат a.

Бул макалада:

•  Баңгизатка байланып калгандардын жардамды Ыйык Китептен издегени эмне үчүн туура?

•  Баңгизаттын туткунунан бошоткон Ыйык Китепке негизделген төрт кадам

•  Баңгизаттын кулчулугунан чыкканга жардам берген Ыйык Китептеги аяттар

•  Ыйык Китептин жардамы менен жаман адатын жеңгендер жөнүндөгү дагы башка окуялар

•  Ыйык Китепте баңгизатка болгон көз карандуулуктан арылыш үчүн дарыланууга тыюу салынабы?

•  Ыйык Китепте баңгизатты медициналык максатта колдонууга тыюу салынабы?

 Жалгызсыроо, стресс, тынчсыздануу жана депрессия сыяктуу нерселер көбүнчө баңгизатка байланып калууга алып келет. Ыйык Китеп силерге Кудайга болгон бекем ишеним өрчүткөнгө жардам берет. Бул болсо, баңгизатка көз каранды кылган терс сезимдер менен күрөшкөнгө күч берет. Ыйык Китептен канткенде Кудай менен ынак дос боло аларыңарды билесиңер (Забур 25:14). Кудайдын жардамы менен өзүңөрдүн алыңар жетпечүдөй көрүнгөн кыйынчылыктарды да жеңе аласыңар (Марк 11:22—24).

1.  1. Жахаба Кудайды b таанып билгиле (Жакан 17:3). Ал — биздин жаратканыбыз жана кудурети чексиз Кудай. Мындан сырткары, биздин мээримдүү Атабыз. Жахаба силер менен ынак болгусу жана зор күчүн силерге жардам бергенге колдонгусу келет (Ышая 40:29—31; Жакып 4:8). Эгер анын сүйүүсүнө чулганып жашаш үчүн кадам шилтесеңер, ал силердин келечегиңерди кең кылат (Жеремия 29:11; Жакан 3:16).

2.  2. Жахабадан жардам сурагыла. Кудайдан баңгизатты таштаганга жардам беришин сурап тиленгиле. Анын аркасында «ыйык [же таза], Кудайга жаккан» киши боло аласыңар (Римдиктер 12:1). Кудай өзүнүн ыйык руху, башкача айтканда, иш-аракет кылуучу күчү аркылуу силерге «адаттан тышкаркы күч» берет (2 Корунттуктар 4:7; Лука 11:13). Мындай күч баңгизаттын чынжырын үзгөнгө, Кудайга жаккандай киши болгонго көмөк кылат (Колосалыктар 3:9, 10).

3.  3. Акылыңарды Кудайдын ойлору менен толтургула (Ышая 55:9). Кудай «акылыңарга түрткү берүүчү күч менен... жаңыланганга», башкача айтканда, ой жүгүртүүңөрдү өзгөрткөнгө көмөк кылат (Эфестиктер 4:23). Мунун аркасында баңгизаттан баш тартканга чечкиндүү болуп каласыңар. Кудайдын ойлору Ыйык Китепте жазылгандыктан, аны күнүгө окуганыңар маанилүү (Забур 1:1—3). Көптөр анда жазылгандардын маани-маңызын түшүнгөнүнүн пайдасын көрүп жатышат (Элчилер 8:30, 31). Жахабанын Күбөлөрү Ыйык Китепти талкуу иретинде акысыз изилдегенди сунуш кылышат. Ошондой эле биз силерди жолугушууларыбызга чын жүрөктөн чакырабыз. Ал жактан Кудайдын Сөзүн изилдейбиз жана анда жазылгандарды жашообузда кантип колдонсок болорун үйрөнөбүз.

4.  4. Жакшы чөйрө тандагыла. Досторуңар силерге күчтүү таасир этет. Алар баңгизатты таштаганга же жардам берет, же тескерисинче, анын сазына батырат (Накыл сөздөр 13:20). Кудай ага сыйынган адамдардын арасынан жакшы досторду табышыңарды жана алардын таасири менен жакшы жакка өзгөрүшүңөрдү каалайт (Забур 119:63; Римдиктер 1:12) Кантип көңүл ачып жатканыңарга да маани бергиле. Себеби көргөн, уккан же окуган нерселериңер чөйрөдөй эле таасир этет. Туура иш кылам деген чечкиндүүлүгүңөрдү солгундаткан нерселердин баарынан оолак болгула (Забур 101:3; Амос 5:14).

 Филипиликтер 4:13: «Анткени мага күч-кубат бергендин жардамы менен баарын кыла алам».

 «Өзүмдүн күчүм жетпейт болчу. Ошон үчүн Кудайдан баңгизатты таштаганга жардам берчи деп тилендим. Ал мага жетиштүү күч берди» (Патрисия, Италия).

 Жозеф Эренбоген зордук-зомбулук өкүм сүргөн чөйрөдө чоңойгон. Ал ичимдикке, тамекиге, марихуана жана героинге берилип кеткен. Баңгизатты өтө көп колдонуп алып далай жолу өлүп кала жаздаган. Ага оңоло аларына Ыйык Китептеги бир аят түрткү берген. Ал тууралуу «Мен аялдарды да, өзүмдү да сыйлап калдым» деген макаладан окуп көргүлө.

 Дмитрий Коршунов аракты таштаганга канча аракет кылбасын, кайра эле ичип алчу. Ага ушул адатынан арылганга эмне жардам бергенин билиш үчүн «Жашоомо тоюп кеткем» деген видеону көргүлө.

 Жок. Анткени Кудайдын Сөзүндө: «Дарыгерге дени сак адамдар эмес, оорулуулар муктаж»,— делет (Матай 9:12). Кошмо Штаттардагы Наркология улуттук институтунун билдирүүсүнө ылайык, «баңгизаттан көз каранды болуу бул — олуттуу оору. Андыктан кишинин мен таштайм деп ниет кылганы жана эркинин күчтүү болгону жетишсиз». Мындай жаман адат менен күрөшүп жүргөндөрдүн өзүн өзү кармай билгени, аны таштоого чечкиндүү болгону маанилүү болсо да, Кудайдын күчү алда-канча кубаттуу. Ыйык Китептеги кеңештерди колдонуп баңгизатты таштагандардын көбү медициналык жардам алыш үчүн доктурга кайрылышкан c. Мисалы, Аллен деген бир киши мындай деп ой бөлүшөт: «Аракты таштап жаткан учурда бүт денем сыздатып ооруган. Ошондо Ыйык Китептен билим алып жатсам дагы мага доктурлардын жардамы керек экенин түшүнгөм».

 Жок. Кудайдын Сөзүндө спирт ичимдиктеринин кайсы бир илдетти дарылоодо же өлүм алдында жаткан кишинин оорусун басаңдатыш үчүн колдонулганы тууралуу жазылганы чын (Накыл сөздөр 31:6; 1 Тиметей 5:23). Анткен менен ооруну басаңдатыш үчүн баңгизат колдонуу, спирт ичимдиктери сыяктуу эле, күчтүү көз карандуулукка алып келиши мүмкүн. Андыктан доктур жазып берген ооруну азайткан дарыларды канча ичип жатканыбызга олуттуу көңүл бурушубуз керек. Ошондой эле кооптуу жактарын эске алганыбыз маанилүү (Накыл сөздөр 22:3).