Мыйзам 32:1—52
32 «Кулак сал, асман, мен сүйлөйм.
Кулак сал, жер, менин сөзүмө.
2 Акыл-насаатым жамгыр болуп төгүлөт,Сөздөрүм шүүдүрүмдүн тамчыларындай,Көк чөпкө майдалап жааган жамгырдай,Өсүмдүккө жааган нөшөрдөй болот.
3 Анткени Жахабанын ысмын жарыя кылам.+
Кудайыбыздын улуулугун даңазалагыла.+
4 Ал — Аска, анын иштери жеткилең,+Эмне кылбасын, дайыма адилеттүү иш кылат*.+
Ал — ишенимдүү Кудай,+ эч качан адилетсиздик кылбайт,+Ал адил, чынчыл.+
5 Анын эли болсо жаман иш кылды,+Алар анын балдары эмес, буга өздөрү күнөөлүү.+
Алар — бузулган, туура жолдон адашкан муун!+
6 Оо, эси жок, акылсыз эл,+Жахабаны да ушинтесиңби?+
Ал сени жараткан Атаң эмеспи?+
Сени жаратып, эл кылып түптөгөн эмеспи?
7 Байыркы күндөрдү эсте,Өткөн муундардын убагында эмне болгону жөнүндө ойлон.
Атаңдан сура, ал сага айтып берет,+Карыяларыңдан сура, сага айтып беришет.
8 Эң Жогорку Кудай элдерге мурас бергенде,+Адамдын уулдарын* чачыратканда,+Ысрайыл элинин санын эске алып,+Элдердин чек араларын белгилеп койгон.+
9 Анткени Жахабанын эли — анын үлүшү,+Жакып — анын энчиси.+
10 Ал аны ээн талаадан,Улуп-уңшуган үндөр угулган эрме чөлдөн таап алган.+
Ар тараптан коргоп, ага кам көргөн,+Көзүнүн карегиндей сактаган.+
11 Балапандарына учканды үйрөткөн бүркүттөй болуп,Алардын үстүндө каалгып учат,Канатын жайып, балапандарын кондуруп алат,Канатынын үстүнө көтөрүп жүрөт.+
12 Жахаба Жакыпты өзү жалгыз жетектеген,+Жанында бөтөн жерликтердин бир да кудайы болгон эмес.+
13 Ал аны тоолорго алып чыккан,+Талаанын жемиши менен баккан.+
Аны аска-зоодогу бал менен,Аска таштан аккан май менен азыктандырган.
14 Аны бодо малдын майы менен, майда малдын сүтү менен,Семиз койлор менен,Башанда жайылган кочкорлор менен, текелер менен,Буудайдын эң жакшысы менен баккан.+
Ичкенге жүзүмдүн ширесинен жасалган шарап берген.
15 Жешурун* семирип, ээсине баш бербей калды.
Семирип, жоонойду, көкүрөгүн май басты.+
Өзүн жараткан Кудайды таштап койду,+Куткарар Аскасын четке какты.
16 Бөтөн жерликтердин кудайларына сыйынып, аны кызгантты,+Жийиркеничтүү иштери менен капалантты.+
17 Курмандыктарын Кудайга эмес, жиндерге*,+Өзү тааныбаган,Жакында эле пайда болгон жаңы кудайларга,Ата-бабалары билбеген кудайларга багыштап чалды.
18 Сен өзүңө өмүр берген атаңды, Асканы, унутуп койдуң,+Сени жарык дүйнөгө алып келген Кудайды эсиңден чыгардың.+
19 Жахаба муну көрүп, аларды четке какты,+Анткени уул-кыздары аны капалантты.
20 Ошондуктан ал мындай деди: „Алардан жүзүмдү бурам,+Ошондо алардын эмне болорун көрөм.
Анткени алар — бузулган муун,+Берилгендик деген эмне экенин билбеген уулдар.+
21 Алар жалган кудайларга сыйынып, мени кызгантышты,+Пайдасы жок буркандарга табынып капалантышты.+
Ошондуктан эл деп эсептелбегендер аркылуу алардын намысына тием,+Аларды акылсыз эл аркылуу каардантам.+
22 Каарым оттой жалындады.+
Анын жалыны көрдүн* түбүнө чейин жетет.+
Жерди түшүмү менен кошо жалмап,Тоолордун пайдубалын да күйгүзүп кетет.
23 Аларга көптөгөн кырсык-каргашаларды жиберем,Жебелеримди аларды көздөй атам.
24 Алар ачкачылыктан алсырашат,+Эти ысыганынан кыйналышат,Чоң кыйроого учурашат.+
Аларга азуулуу жырткычтарды,Топуракта сойлогон уулуу жыландарды* жиберем.+
25 Сырттагылары кылычтан,Үйдүн ичиндегилери коркунучтан өлөт.+
Алар улан-кыздарынан,Эмчектеги баласы менен ак чач карысынан айрылышат.+
26 Мен: “Аларды чачыратып,Атын эл арасынан өчүрөм”,— десем деле болмок.
27 Бирок душмандар табалабасын,+Кас тараптагылар туура эмес ойлоп алып:+
“Мунун баарын Жахаба кылган жок,Аларды өз күчүбүз менен жеңдик”,— дебесин дедим.+
28 Анткени бул эл — акылсыз эл*,Булардын түшүнүгү жок.+
29 Булар акылдуу болушса кана!+ Анда бул тууралуу ойлонушпайт беле,+Акырында эмне болушарын баамдашпайт беле.+
30 Аскасы аларды таштап салбаса,+Жахаба аларды душмандарынын колуна салып бербесе,Бир душман 1 000 ысрайылдыкты кубалай алат беле?
Экөө 10 000 ысрайылдыкты качыра алат беле?+
31 Анткени душмандардын аскасы биздин Аскабыздай эмес,+Муну атүгүл алар өздөрү да билишет.+
32 Ысрайылдын жүзүмү Содомдун жүзүмзарларынан,Амордун талааларынан алынып келген.+
Анын жүзүмү — уу,Мөмөлөрү ачуу.+
33 Алардын шарабы жыландын уусундай,Чекир жыландын* мүрт кетирген уусундай.
34 Алардын кылгандарынын баары менде сакталып турат,Кампама бекитип, мөөр басып койгом.+
35 Өчтү мен алам, мен жазалайм.+
Белгиленген убак келгенде, алар тайгаланып жыгылышат,+Анткени алардын башына мүшкүл түшө турган күн,Алар кабыла турган нерселер тездик менен жакындап келатат“.
36 Жахаба элине сот жүргүзөт,+Өзүнүн кызматчыларын аяйт,+Анткени алардын алдан-күчтөн тайганын,Болушар эч кимиси жоктор менен бечаралар гана калганын көрөт.
37 Анан мындай дейт: „Алардын кудайлары кайда?+
Баш маанасы, аскасы кайда?
38 Алардын курмандыктарынын майын жеген,Суюк тартуу катары алып келген шарабын ичкен кудайлары кайда?+
Ошолор келип, жардам беришсин,Жашына турган жай болуп беришсин.
39 Билип алгыла, мен Кудаймын,+Менден башка кудайлар жок.+
Өлтүргөн да, өмүр берген да менмин.+
Ооруткан да,+ айыктырган да менмин,+Менин колумдан эч ким куткара албайт.+
40 Мен түбөлүктүү Кудаймын,Өзүмдү оозанып ант берем.+
41 Жалтылдаган кылычымды кайрап,Сот жүргүзгөнгө даярданам,+Душмандарыман өч алам,+Мени жек көргөндөрдүн баарын жазалайм.
42 Жебелеримди канга мас кылам,Кылычымды этке тойгузам,Өлгөндөр менен туткундардын канына,Душмандардын жол башчыларынын башына тойгузам“.
43 Элдер, анын эли менен бирге кубангыла,+Анткени ал кызматчыларынын каны үчүн өч алат,+Душмандарына тиешесин берет,+Өз элинин жерин күнөөдөн арылтат».
44 Муса келип, Нундун уулу Ошуя*+ менен чогуу бул ырдын сөздөрүн элге айтып берди.+
45 Баарын айтып бергенден кийин Муса аларга:
46 «Мен бүгүн айткан эскертүүлөрдүн баарын жүрөгүңөргө түйүп алгыла да,+ балдарыңарга ушул Мыйзамда айтылгандардын баарын кылдат аткарганды үйрөткүлө.+
47 Анткени булар курулай сөздөр эмес, булардан өмүрүңөр көз каранды.+ Бул айтылгандарды аткарсаңар, Иордандын аркы өйүзүндөгү ээлегени бараткан жерде узак өмүр сүрөсүңөр»,— деди.
48 Жахаба ошол эле күнү Мусага:
49 «Маап жериндеги Абарымдагы+ Небо тоосуна,+ Жерихонун тушундагы бул тоого, чык. Анан мен ысрайыл элине берип жаткан Канаан жерине көз чаптыр.+
50 Ошондон кийин Ор тоосунда көз жумган агаң Арунга окшоп, сен да өзүң чыккан ошол тоодо ата-бабаларыңдай эле көз жумасың.+
51 Анткени силер Зин чөлүндөгү Кадештеги Мериба суусунун+ жанында ысрайыл элинин алдында менин тилимди алган эмессиңер, алардын алдында мени даңктаган* эмессиңер.+
52 Мен ысрайыл элине берип жаткан ал жерди алыстан эле көрөсүң, бирок ал жакка барбайсың»,+— деди.
Шилтемелер
^ Сөзмө-сөз: «жолдорунун баары адилет».
^ Же балким: «Адамзатты».
^ Мааниси: «чынчыл». Ысрайыл элинин ардактуу наамы.
^ Же: «сойлоп жүрүүчүлөрдү».
^ Же балким: «айткан акылды укпаган дүлөй эл».
^ Кобра.
^ Жашыянын мурунку аты. Ошаях дегендин кыскартылышы. Мааниси: «Жах куткарган бирөө; Жах куткарган».
^ Сөзмө-сөз: «ыйыктаган».
