E Bibeltext fir all Dag
Täglich in den Schriften forschen huet fir all Dag vum Joer en ausgewielte Bibeltext mat engem passende Kommentar dozou. Esou kann een ëmmer mat engem positive Gedanken aus der Bibel an den Dag starten.
Den Text kann een natierlech zu all Moment am Dag liesen. Vill Leit maachen dat awer am léifste scho moies fréi, well si da wärend dem Dag doriwwer nodenke kënnen. Et ass och flott, wann een den Text zesummen als Famill liesen a beschwätze kann.
Den Tagestext fënnt een op Däitsch an der Wachtturm ONLINE-BIBLIOTHEK. Et kann een Täglich in den Schriften forschen och fir dat ganzt Joer als PDF-Datei eroflueden (dës Datei entsprécht der Pabeierversioun).
Méi gewuer ginn
HËLLEFSMËTTELEN, FIR D’BIBEL ZE STUDÉIEREN
Bibellexikon
Einsichten über die Heilige Schrift huet Dausende vun detailléierten Erklärungen zu Persounen, Plazen, Planzen, Déieren, wichtegen Evenementer a bibeleschen Ausdréck. An der Versioun, déi een erofluede kann, fënnt een zousätzlech Kaarten, Fotoen, Illustratiounen an och en Index, deen no Theema a Bibeltext klasséiert ass.
HËLLEFSMËTTELEN, FIR D’BIBEL ZE STUDÉIEREN
Bibelatlas
„Das gute Land sehen“ ass e Bibelatlas mat faarwege Kaarten a Grafike vu verschiddene Länner a Regiounen aus bibelescher Zäit. Et gëtt och gewisen, wéi dat Land, dat d’Israelitte versprach kritt hunn, a verschiddenen Zäitperioden ausgesinn huet.
HËLLEFSMËTTELEN, FIR D’BIBEL ZE STUDÉIEREN
Iwwerbléck iwwer d’Bibel
Die Bibel: Was will sie uns sagen? ass eng Broschür, déi en Iwwerbléck iwwer d’Bibel vermëttelt.