Mbo tuzoloko mu zonzela misamu mitariri lusambulu na bantu bakaka, kâ ka tuvukanaka ko na mabundu makaka mu sambila. Bibila disongelaka ti Bakristo ba matieleka “bavukana bêna mu mbunkete,” mpe tima tisaka ti babâ bavukana ni bumosi mu kwikulu zawu. (Bisi-Efeze 4:16; 1 Bisi-Korente 1:10; Bisi-Filipe 2:2) Ka wuta zolo tâ kwa ko ti tambula ti bifu ntiana luzolo, tiari tia mutima, na tifu tia lemvokelaka bia toma biena. Kwikulu zeto mu luzabu lwa matielaka lwa Bibila zisikamanaka, mu bungu ti kwikulu zeto ka ziketi’â bâ salu ko tala ti matieleka mo kâni.​—Bisi-Rome 10:​2, 3.

 Bibila disongele ti vukasa nsambululu na mabundu makaka ka bwena bubote ko, mpe timinu tia Mukristo ti bebesaka. (2 Bisi-Korente 6:14-17) Ntiangu, Yezu kalembo hanina milongoki miandi nzila ya vukanaka na mabundu makaka. (Matie 12:30; Za 14:6) Mpila mosi mpe, Musiku wa hana Nzambi mu nzila ya Mose, bala ba Israele weri yiminika mu vukana na makanda makaka mu nsambululu’awu. (Ndukulu 34:11-14) Ha manima, bala ba Israele ba kwikama bayizi kala lubakusu lwa keti sa ti bavukasa nsambulu na makanda makaka.​—Ezdrase 4:​1-3.

 Yee. Mu tifwani, mu 2023 tayizi yôkesa 1 791 490 713 heures mu zonza na bantu ba mabundu makaka. Ntiana ntumwa Paulo, bu tusalaka tisalu tia samuna, nsayi yibâka neto mu wâ mbanzulu na kwikulu za “bantu babingi” mu tisalu tieto. (1 Bisi-Korente 9:19-22) Mu bimoko bieto, ngolo tusarilaka mu landa malongi ma Bibila matutumaka mu songele “buzitu bwabwingi” kwe bantu bakaka.​—1 Piere 3:15.