Yee, Diabulu kô kena. Ni yandi we “mfumu ya Nza,” mpeve yena yisarilaka misamu mia mbi mpe yakolama kwe Nzambi. (Za 14:30; Bisi-Efeze 6:11, 12) Bibila timuntu tia Diabulu disongelaka mu misamu mita landa:

•   Satana, wuzololo tâ “Mbeni.”​—Yobe 1:6.

•   Diabulu, wuzololo tâ “Wô hunisinaka bantu misamu.”​—Nzabukusu 12:9.

•   Nioka, yi sarilaka Bibila mu songela ti “Mbaki” yena.​—2 Bisi-Korente 11:3.

•   Wô mekaka bantu.​—Matie 4:3.

•   Ngungu.​—Za 8:44.

Ka tiena tima ko mu mitima titumaka mu yirika mbi

 Bantu bakaka banzaka ti Satana tima tiena tie mu mitima mia bantu, ti batumaka mu yirika misamu mia mbi. Kâ, Bibila binsamu dizonzelaka bia mokena Satana na Nzambi. Nzambi wa lunga wena, mpe kalendi’â kabâ na tima tia mbi ko mu kati diandi, ti kazonzaka na tio. (Lubambu 32:4; Yobe 2:1-6) Mpila mosi mpe, Satana watonta Yezu, walembo bâ na masumu. (Matie 4:8-10; 1 Za 3:5) Buna, Bibila disongele ti Diabulu mbazi yena ya matieleka yitumaka bantu mu yirika misamu mia mbi.

 Ngano tufweti yituku bantu babingi bu balembo tambulaka ti Satana kô kena? Kâni, mu bungu ti Bibila ditêle ti Satana bantu kahunaka ngatu basarilaka luzololo lwandi. (2 Bisi-Tesalonike 2:9, 10) Musamu wa nzitukulu wu kayirikaka, ni mu tuma bantu babingi mu lembo bakula ti kô kena.​—2 Bisi-Korente 4:4.

  Tinsamu: Nka dia mpemba (Lucifer) nkumbu yakaka yena ya Diabulu.

 Matieleka: Ntêlo ya Hebre yi basarila mu Bibila mu zonzela “Lucifer” yizololo tâ “wô hananka mutsamina.” (Izaya 14:12) Verse zizungiriri yo zisongele ti misamu mio, mitinu mia Babilone miayizi landasana mita tarila, Nzambi ba kaketi semba mu bungu ti lumpampani lwabâ nawu. (Izaya 14:4, 13-20) Ntêlo ya “wô hanaka mutsamina” mu tuseho basarilaka yo mu zonzela mitinu mia ku babilone ha manina ma mbwilu’awu.

  Tinsamu: “Satana na Nzambi ni bawisanaka kawu.”

 Matieleka: Diabulu mbeni ya Nzambi yena, ka tisari’â ko. Satana, Diabulu Nzambi katelamanaka mpe bisari bia Nzambi kadingilaka misamu.​—1 Piere 5:8; Nzabukusu 12:10.