Mu bungu dia nti Yezu bamutâka mwana Nzambi?
Mvutu ya Bibila
Mu Bibila Yezu bavulu tâka “Mwana Nzambi.” (Za 1:49) Ntêlo ya “Mwana Nzambi” yisongele ti ni Nzambi we Mvangi, peleko Titeko tia luzingu lwalwansoni, na lwa Yezu mpe. (Mikunga 36:9; Nzabukusu 4:11) Bibila ka ditâka ko ti Nzambi wayizi bâ tata dia bala ntiana kwa bantu bu bakwizi bâka na bala.
Mu Bibila, bambazi mpe “bala ba Nzambi babatâka.” (Yobe 1:6) Bibila ditâka mpe ti, muntu wa ntete, Adame, “mwana wa Nzambi” mpe wabâ. (Like 3:38) Kâ, Bibila Yezu dizonzelaka ntiana Mwana wa ntete wa Nzambi mu bungu ti Nzambi ni yandi katoko sala Yandi beni.
Ngano Yezu ku zulu keri toko bâka ntete kiza ha mutoto?
Yee. Yezu tivangu tia timpeve tia tiabâ ntete kiza kabutuka muntu ha mutoto. Yandi beni Yezu watâ ti: “Ku zulu nakokele.”—Za 6:38; 8:23.
Nzambi wasala Yezu ntete kasala bima biabiansoni. Bibila ebu ditâka mu Yezu:
“Ni yandi [. . .] watoko butuka mu biabiansoni biayiluku.”—Bisi-Kolose 1:15.
Ni yandi we “mbatukulu ya ndiyilukulu ya Nzambi.”—Nzabukusu 3:14.
Yezu walungisa mbikululu yitariri muntu “we na ntûkulu tûka ntangu za ntama, tûka bilumbu bia ntama.”—Mika 5:2; Matie 2:4-6.
Ngano Yezu nti keri saka ntete kiza ha mutoto?
Tibuka tia nsangu tia bâ nandi ku zulu. Yezu wazonzela tio mu lusambulu: “Tata, kungana nsangu [. . .] mu nsangu zeri nani penepene na nge ntete mutoto wa yilama.”—Za 17:5.
Yandi wabakisa Tata’andi mu yirika bima biabiansoni biakaka. Yezu wasala tintwari na Nzambi “ntiana tisari tia mbote.” (Bingana 8:30) Mu bungu dia Yezu, Bibila ditêle ti: “Mu bungu ti mu nzila ya yandi bima biabiansoni biakaka biasalamana, ku mazulu na ha mutoto.”—Bisi-Kolose 1:16.
Nzambi wasarila Yezu mu yirika bima biabiansoni biakaka. Wasala bivangu biakaka bia timpeve na nza. (Nzabukusu 5:11) Tulendi tâ ti Nzambi wasala tintwari na Yezu ntiana kwa mfumu tisalu yisalaka tintwari na titungi. Mfumu tisalu plan ya nzo kayirika; mpe titungi plan yo kasarila mu tunga nzo.
Yandi wabâ Zu. Bibila Yezu ditâka “Zu” bu dizonzelaka luzingu lwandi ntete kabâ muntu. (Za 1:1) Dieka bo, wuzololo tâ ti Nzambi wasarila Mwana’andi mu hana nsangu na mitieno kwe bivangu biakaka bia timpeve.
Tulendi tâ ti Yezu wabâ mpe zonzi kwe bantu. Kampe Nzambi wazonza mu nzila ya Yezu, Zu, bu kahana mitieno kwe Adame na Eva ku nsaba ya Edene. (Mbatukulu 2:16, 17) Kampe Yezu weri mbazi yatwarisa bala ba Israele ku sese mpe zu ni dia yandi bala ba Israele bafweti tumamana.—Ndukulu 23:20-23. a
a Nzambi ka zonzelaka kwa mu nzila ya Zu ko. Mu tifwfani, wasarila bala bandi bakaka ba timpeve, kani wabâ Mwana’andi wa ntete mu hana Misiku miandi kwe bala ba Israele.—Bisalu 7:53; Bisi-Ngalate 3:19; Bahebre 2:2, 3.
Dzukula mpe...
BIYUVU BITARIRI BIBILA
Ngano Yezu ni Nzambi ya nkwa ngolo zazansoni?
Ngano bwe Yezu katâ mu bungu dia tibuka tiandi na Nzambi?
NDONGOSOLO ZA NGURI ZA BIBILA
Ngano Yezu Kristo ni Nzambi?
Ngano yandi ni Nzambi ya Nkwa Ngolo Zazansoni? Peleko ngano ba nkatika ba swaswana bena?
