Zabbuli 6:1-10
Eri akubiriza eby’okuyimba; kugenderako ebivuga eby’enkoba ebireegeddwa okuvugira mu ddoboozi lya Seminisi.* Zabbuli ya Dawudi.
6 Ai Yakuwa, tonnenya ng’oli musunguwavu,Era tongolola ng’oliko ekiruyi.+
2 Nkwatirwa ekisa,* Ai Yakuwa, kubanga mpulira amaanyi ganzigwaamu.
Mponya, Ai Yakuwa,+ kubanga amagumba gange gakankana.
3 Ndi mweraliikirivu nnyo,+Era nkubuuza, Ai Yakuwa, onoolindirira kutuusa ddi?+
4 Ai Yakuwa, jjangu onnunule;+Ndokola kubanga olina okwagala okutajjulukuka.+
5 Kubanga abafu tebasobola kukwogerako;*Ani ayinza okukutendereza emagombe?*+
6 Nkooye olw’okusinda;+Ekiro kyonna ekitanda kyange nkitobya amaziga;Obuliri bwange mbutotobaza nga nkaaba.+
7 Eriiso lyange linafuye olw’ennaku gye ndimu;+Liyimbadde* olw’abo bonna abambonyaabonya.
8 Muve we ndi mmwe mmwenna abakola ebintu ebibi,Kubanga Yakuwa ajja kuwulira okukaaba kwange.+
9 Yakuwa ajja kuwulira okwegayirira kwange;+Yakuwa ajja kukkiriza okusaba kwange.
10 Abalabe bange bonna bajja kuswala era batye;Bajja kukyuka mangu baddeyo nga baswadde.+
