“Omubi y’afuga ensi yonna.”​—1 Yokaana 5:19.

“Omwana wa Katonda yajja . . . azikirize ebikolwa by’omulyolyomi.”​—1 Yokaana 3:8, New Century Version.

Otegeera ekiviirako ebizibu ebiriwo mu nsi.​—Okubikkulirwa 12:12.

Oba n’essuubi nti Katonda ajja kutereeza ensi.​—1 Yokaana 2:17.

Lwa nsonga nga ssatu:

• Obufuzi bwa Sitaani bujja kuggibwawo. Yakuwa agenda kuggyawo obufuzi bwa Sitaani ku nsi. Asuubiza ‘okuzikiriza Sitaani,’ amalewo ebizibu byonna Sitaani by’aleese.​—Abebbulaniya 2:14, Enkyusa ey’Ensi Empya.

• Katonda alonze Yesu Kristo okuba omufuzi w’ensi. Yesu wa njawulo nnyo ku mufuzi w’ensi ono omukambwe era eyeefaako yekka. Ng’ayogera ku bufuzi bwa Yesu, Katonda agamba nti: ‘Anaasaasiranga abanaku n’abaavu. Anaabawonyanga okunyigirizibwa era n’ebikolwa eby’obukambwe.’​—Zabbuli 72:13, 14.

• Katonda tayinza kulimba. Bayibuli egamba nti: “Katonda tayinza kulimba.” (Abebbulaniya 6:18) Yakuwa bw’asuubiza okukola ekintu aba ng’amaze okukikola! (Isaaya 55:10, 11) “Omufuzi w’ensi eno ajja kugoberwa ebweru.”​—Yokaana 12:31.