Bayibuli Eddamu Ebibuuzo Bino
Okufa kwa Yesu kutuganyula kutya?
Katonda bwe yali atonda abantu, yayagala babeere ku nsi emirembe gyonna awatali kulwala wadde okufa. Kyokka, Adamu omuntu eyasooka okutondebwa, yajeemera Katonda n’afiirwa enkizo ey’okubeera omulamu emirembe gyonna. Olw’okuba ffenna twava mu Adamu, twasikira ekibi n’okufa. (Abaruumi 5:8, 12; 6:23) Yakuwa Katonda yatuma omwana we Yesu ku nsi asobole okutununula okuva mu kibi n’okufa.
Yesu yafa tusobole okufuna obulamu obutaggwaawo. Olowooza obulamu obwo buliba butya?
Okufa kwa Yesu kutusobozesa okusonyiyibwa ebibi byaffe n’okufuna obulamu obutaggwaawo. Bayibuli eraga nti mu biseera eby’omu maaso tujja kubeera ku nsi nga tetukaddiwa, nga tetulwala, era nga tetufa.
Tusaanidde kujjukira tutya okufa kwa Yesu?
Mu kiro ekyasembayo nga tannattibwa, Yesu yakola omukolo omutonotono, era n’alagira abagoberezi be okumujjukiranga nga bakola omukolo gwe gumu. Bwe tubaawo ku mukolo ogwo buli mwaka, tuba tufumiitiriza ku ngeri Yesu ne Yakuwa gye baagalamu abantu.
Omwaka guno, omukolo ogw’okujjukira okufa kwa Yesu gujja kubaawo ku Bbalaza nga Apuli 14, ng’enjuba emaze okugwa. Abajulirwa ba Yakuwa abali mu kitundu kyo bakwaniriza ku mukolo ogwo.
Era Oyinza Okwagala Okusoma Ebitundu Bino
EBITUKWATAKO
Okujjukira Okufa kwa Yesu
Buli mwaka, abantu bukadde na bukadde bakuŋŋaana okujjukira okufa kwa Yesu. Tukwaniriza okubaawo omanye engeri omukolo guno omukulu ennyo gye gukukwatako.
EBIBUUZO BAYIBULI BY’EDDAMU
Yesu Alokola—Mu Ngeri Ki?
Lwaki twetaaga Yesu okwegayirira ku lwaffe? Okukkiririza mu Yesu kye kyokka ekyetaagisa okusobola okulokolebwa?
