“Mokili mobimba ezali na maboko ya Monguna.”​—1 Yoane 5:19.

“Mwana ya Nzambe ayaki awa . . . bobele po na koboma misala ya zabolo.”​—1 Yoane 3:8, Bible na lingala ya lelo oyo.

Okoyeba ntina ya makambo oyo ezali koleka na mokili.​—Emoniseli 12:12.

Okomona ntina mpenza ya kondima ete mokili oyo ekobonga.​—1 Yoane 2:17.

Ɛɛ; mpo na ntina misato oyo:

• Boyangeli ya Satana ekobebisama. Yehova akani kosukisa boyangeli ya Satana na mokili oyo. Alaki ete ‘akobebisa’ Zabolo nyɛɛ, mpe akolongola mabe nyonso oyo Satana abimisá.​—Baebre 2:14, Libongoli ya Mokili ya Sika.

• Nzambe aponi Yesu Kristo ayangela mokili. Yesu akeseni mosika mpenza na mokonzi ya mokili oyo, mokonzi moko ya motema mabe mpe alukaka kaka bolamu na ye moko. Yoká elaka Nzambe apesi mpo na ntango oyo Yesu akozala mokonzi: “Akoyokela moto oyo azangá ná mobola mawa . . . Akosikola molimo na bango na monyoko mpe na mobulu.”​—Nzembo 72:13, 14.

• Nzambe akosaka te. Biblia elobi polele ete: “Nzambe akoki kobuka lokuta ata moke te.” (Baebre 6:18) Soki Yehova alaki kosala likambo moko boye, ezali lokola nde esili kosalema, mpo ekosalema kaka. (Yisaya 55:10, 11) “Mokonzi ya mokili oyo akobwakama libándá.”​—Yoane 12:31.