Masese 24:1-34
24 Kolula bato mabe te,Mpe koluka te kozala esika moko na bango,+
2 Mpo motema na bango emanyolaka makambo ya mobulu,Mpe bakobaka koloba ndenge ya kosala basusu mabe.
3 Ndako etongamaka na bwanya,+Mpe ebatelamaka malamu na bososoli.
4 Na nzela ya boyebi, bashambrɛ na yango etondakaNa biloko ya ndenge nyonso ya motuya mpe oyo esepelisaka.+
5 Moto ya bwanya azali na nguya,+Mpe na boyebi moto abakisaka nguya na ye.
6 Mayele ya kotambwisa makambo* ezali na ntina ntango okei etumba,+Mpe makambo elongaka soki bapesi-toli bazali ebele.+
7 Bwanya ya solo ezali mpenza mosika na moto oyo azali zoba;+Azali na eloko ya koloba te na porte ya engumba.
8 Moto oyo akanaka kosala mabeAkobengama nkolo ya makanisi mabe.+
9 Mayele mabe ya moto oyo azali zoba ezali lisumu,Mpe bato bayinaka mosɛki.+
10 Soki olɛmbi nzoto na mokolo ya mpasi,*Nguya na yo ekozala moke.
11 Bikisá baoyo bazali komemama na liwa,Mpe pekisá baoyo bazali kokende na kotengatenga mpo na kobomama.+
12 Soki olobi: “Kasi, toyebaki likambo yango te,”
Moto oyo atalatalaka mitema amonaka yango te?+
Ɛɛ, moto oyo atalaka yo akoyebaMpe akofuta moto na moto na kolanda mosala na ye.+
13 Mwana na ngai, lyá mafuta ya nzoi, mpo ezali malamu;Mafuta ya nzoi oyo euti na ndako na yango ezali elɛngi na monɔkɔ.
14 Ndenge moko mpe, yebá ete bwanya ezali malamu mpo na yo.+
Soki ozwi yango, mikolo ekoya ekozala malamu mpo na yoMpe elikya na yo ekolongolama te.+
15 Kobatama te pene na ndako ya moto ya sembo na likanisi ya kosala ye mabe;Kobebisa te esika na ye ya kopema.
16 Mpo moto ya sembo akoki kokwea mbala nsambo, mpe akotɛlɛma lisusu,+Kasi bato mabe bakobɛta libaku mpo na mpasi.+
17 Ntango monguna na yo akwei, kosepela te,Mpe ntango abɛti libaku, motema na yo ezala na esengo te;+
18 Noki Yehova amona yango mpe asepela te,Mpe akolongola nkanda na ye epai na moto* yango.+
19 Kosilika te* mpo na basali-mabe;Kolula bato mabe te,
20 Mpo mikolo ekoya ekozala malamu te mpo na bato mabe;+Mwinda ya bato mabe ekobomama.+
21 Mwana na ngai, bangá Yehova mpe mokonzi.+
Mpe kozala esika moko te na batomboki,*+
22 Mpo likama na bango ekobima na mbalakaka.+
Nani ayebi likama oyo bango mibale* bakobimisela bango?+
23 Maloba oyo ezali mpe mpo na bato ya bwanya:
Koponapona bilongi na ntango ya kosambisa ezali malamu te.+
24 Moto nyonso oyo akoloba na moto mabe ete: “Ozali sembo,”+
Bato ya bikólo bakolakela ye mabe, mpe bikólo ekolobela ye mabe.
25 Kasi makambo ekotambola malamu mpo na baoyo bazali kopamela ye;+Mapamboli ya makambo ya malamu ekoyela bango.+
26 Bato bakopwɛpwa mbɛbu ya moto oyo azali koyanola na bosembo.+
27 Lɛngɛlá mosala na yo libándá, mpe bongisá eloko nyonso oyo esengeli na elanga;Na nsima, tongá ndako na yo.
28 Kotatola te mpo na kofunda mozalani na yo kozanga ntina.+
Kosalela mbɛbu na yo te mpo na kokosa basusu.+
29 Koloba te ete: “Nakosala ye kaka ndenge asali ngai;Nakofuta ye mpo na oyo asalaki ngai.”+
30 Nalekaki penepene ya elanga ya moto ya gɔigɔi,+Penepene ya elanga ya vinyo ya moto oyo azangi bososoli.*
31 Namonaki ete matiti mabe ezipaki yango;Mabele ezipamaki na matiti ya nsendensende,Mpe efelo na yango ya mabanga ebukanaki.+
32 Natalaki yango malamumalamu mpe nabombaki yango na motema;Namonaki yango mpe nazwaki liteya oyo:*
33 Mwa mpɔngi moke, kokanga liso mwa moke,Kokanga mabɔkɔ mwa moke mpo na kopema,
34 Mpe bobola ekoyela yo lokola moyibi,Mpe kokelela na yo lokola moto oyo asimbi bibundeli.+
Maloba na nse
^ To, “Litambwisi ya bwanya.”
^ To, “na ntango ya mpasi.”
^ Elingi koloba, “monguna.”
^ To, “Kosilika makasi te.”
^ To, “bato oyo balukaka mbongwana.”
^ Elingi koloba, “Yehova ná mokonzi.”
^ Lil., “azali na motema te.”
^ Lil., “nazwaki disiplini oyo.”
