Nzembo 135:1-21
135 Bósanzola Yah!*
Bósanzola nkombo ya Yehova,Bópesa masanzoli, bino basaleli ya Yehova,+
2 Bino baoyo botɛlɛmaka na ndako ya Yehova,Na mapango ya ndako ya Nzambe na biso.+
3 Bósanzola Yah, mpo Yehova azali malamu.+
Bóyemba mpo na kosanzola* nkombo na ye, mpo esepelisaka.
4 Mpamba te Yah aponá Yakobo mpo na ye moko,Yisraele mpo azala eloko na ye ya motuya.+
5 Mpo nayebi malamu ete Yehova azali monene,Nkolo na biso aleki mosika mpenza banzambe mosusu nyonso.+
6 Yehova asalaka nyonso oyo asepeli kosala+Na likoló mpe na mabele, na mbu mpe na bisika nyonso ya mozindo.
7 Asalaka ete mapata* emata uta na nsuka nyonso ya mabele;Atindaka mokalikali nzela moko na mbula;*Abimisaka mopɛpɛ na bandako na ye ya kobomba biloko,+
8 Abomaki bana ya liboso ya Ezipito,Moto ná nyama.+
9 Asalaki bilembo ná makamwisi epai na yo, Ee Ezipito,+Asalaki yango liboso ya Farao mpe ya basaleli na ye nyonso;+
10 Abɛtaki bikólo ebele+Mpe abomaki bakonzi ya nguya,+
11 Sihone mokonzi ya Baamore,+Oge mokonzi ya Bashane,+Mpe makonzi nyonso ya Kanana.
12 Apesaki mokili na bango lokola libula,Libula epai ya Yisraele bato na ye.+
13 Ee Yehova, nkombo na yo eumelaka mpo na libela.
Ee Yehova, lokumu* na yo eumelaka libota na libota.+
14 Mpo Yehova akosamba likambo ya bato na ye,+Mpe akoyokela basaleli na ye mawa.+
15 Bikeko ya bikólo ezali palata mpe wolo,Esalemi na mabɔkɔ ya moto.+
16 Ezali na monɔkɔ, kasi elobaka te;+Ezali na miso, kasi emonaka te;
17 Ezali na matoi, kasi eyokaka te.
Mpe zolo na yango ezali na mpema te.+
18 Bato oyo basalaka yango bakokóma lokola yango,+Ata mpe baoyo nyonso batyelaka yango motema.+
19 Ee ndako ya Yisraele, bósanzola Yehova.
Ee ndako ya Arona, bósanzola Yehova.
20 Ee ndako ya Levi, bósanzola Yehova.+
Bino baoyo bobangaka Yehova, bósanzola Yehova.
21 Yehova asanzolama uta na Siona,+Ye oyo afandi na Yerusaleme.+
Bósanzola Yah!+
Maloba na nse
^ To, “Aleluya!” “Yah” ezali ebengeli ya mokuse ya nkombo Yehova.
^ To, “Bóbɛta miziki mpo na.”
^ To, “mbɔngi ya mai.”
^ To mbala mosusu, “Asalelá kutu mbula baporte.”
^ To, “nkombo.” Lil., “ekaniseli.”
