Nzembo 14:1-7
Epai ya mokambi ya nzembo. Ya Davidi.
14 Bazoba balobi na mitema na bango ete:
“Yehova azali te.”+
Bazali bato mabe mpe basalaka makambo oyo eyinami;Ata moto moko te azali kosala malamu.+
2 Kasi uta na likoló, Yehova azali kotala bana ya batoMpo na komona soki ezali na moto oyo azali na mayele ya kososola, soki ezali na moto oyo azali koluka Yehova.+
3 Bango nyonso batiki nzela ya malamu;+Bango nyonso mpe babebi.
Ata moto moko te azali kosala malamu,Ata moto moko te.
4 Ezali ata na moto mabe moko te oyo azali kokanga ntina?
Bazali kolya bato na ngai ndenge balyaka limpa.
Babeleli Yehova te.
5 Kasi nsɔmɔ moko monene ekokanga bango,+Mpo Yehova azali na kati ya libota ya moto ya sembo.
6 Bino basali mabe, bolukaka kosala ete mposa ya moto mpamba ekokisama te,Kasi Yehova azali esika na ye ya kokima.+
7 Ee lobiko ya Yisraele euta na Siona!+
Ntango Yehova akozongisa bato na ye oyo bazali bakangami,Tiká Yakobo azala na esengo, tiká Yisraele asepela.
