Na 2 000, Taïwan etyaki programɛ moko ya misala ya Leta oyo ezali kosalisa baoyo baboyaka mosala ya soda mpo na kotosa lisosoli na bango básala misala ya Leta kozanga ete bábebisa lisosoli na bango. Programɛ yango epesi bango libaku ya kosala na balopitalo, na bandako ya mibange mpe na bisika mosusu ya Leta. Programɛ yango ebimisi mpenza matomba, mpo esalisi ezala bana-mboka ya Taïwan mpe baoyo baboyaka mosala ya soda mpo na kotosa lisosoli na bango mpo bakokɔtisa bango lisusu bolɔkɔ te mpo baboyaka kokɔta na makambo ya mokili.

Video oyo emonisi ndenge programɛ ya misala yango etyamaki na Taïwan. Eyanoli na mituna ya baoyo basepeli te na programɛ yango mpe makambo baoyo programɛ yango etaleli balobi. Mr. Kou-Enn Lin, mokambi misala ya Agence nationale de conscription, alobi boye: “Nazali na elikya ete bikólo mosusu ekoya mpe ekozwa mateya na eksperiansi na biso.”