Mpo na nini kobondela na nkombo ya Yesu?
Eyano ya Biblia
Tosengeli kobondela Nzambe na nkombo ya Yesu mpo Nzambe andimaka tópusana penepene na ye kaka na nzela ya Yesu. Yesu alobaki: “Ngai nazali nzela mpe solo mpe bomoi. Moto moko te azali koya epai ya Tata soki na nzela na ngai te.” (Yoane 14:6) Yesu alobaki mpe na bantoma na ye ya sembo ete: “Ya solosolo mpenza, nalobi na bino ete: Soki bosɛngi Tata eloko akopesa bino yango na nkombo na ngai.”—Yoane 16:23.
Ntina mosusu ya kobondela na nkombo ya Yesu
Tokopesa Yesu ná Tata na ye, Yehova Nzambe, lokumu.—Bafilipi 2:9-11.
Tokomonisa ete tozali na botɔndi epai ya Nzambe ndenge atindaki Yesu akufa mpo na kobikisa biso.—Matai 20:28; Misala 4:12.
Tokondima ete kaka Yesu nde azali na mokumba ya kolobela bato epai ya Nzambe.—Baebre 7:25.
Tokomonisa ete tozali kopesa Yesu limemya mpo na mokumba na ye ya Nganga-Nzambe Monene oyo akoki kosalisa biso tóndimama na miso ya Nzambe.—Baebre 4:14-16.
Talá mpe...
BIYANO NA MITUNA YA BIBLIA
Nasengeli kobondela basantu?
Talá moto oyo Biblia elobi ete tosengeli kobondela.
LINƆ́NGI YA MOSƐNZƐLI
Mpo na nini kobondelaka na nkombo ya Yesu?
Na butu na ye ya nsuka awa na mabele, Yesu alakisaki nde lolenge ya sika ya kopusana pene na Nzambe.
LINƆ́NGI YA MOSƐNZƐLI
Ndenge nini okoki kobondela mpo Nzambe ayoka mabondeli na yo?
Sololá na Nzambe bisika nyonso oyo olingi mpe na ntango nyonso oyo olingi, ezala na mongongo makasi to na motema. Yesu asalisi biso tóyeba oyo tokoloba na libondeli.
MATEYA YA BIBLIA
Meká boyekoli na biso ya Biblia
Bandá boyekoli ya Biblia ofele mpe talá makambo oyo esengeli kosala.