Bokonzi ya Nzambe ekosala nini?

YOKÁ NA

Eyano ya Biblia

Bokonzi ya Nzambe ekolongola baguvɛrnema nyonso ya bato mpe yango moko ekoyangela mabele mobimba. (Danyele 2:44; Emoniseli 16:14) Nsima na yango, Bokonzi ya Nzambe . . .

Ekoboma bato mabe, oyo bazali konyokola biso nyonso mpo na matomba na bango. “Kasi bato mabe bakolongolama na mabele.”—Masese 2:22.
Ekosilisa bitumba nyonso. “[Nzambe] azali kosilisa bitumba tii na nsuka ya mabele.”—Nzembo 46:9.
Ekomema bolamu mpe ekotya kimya na mabele. “Bakofanda mpenza, moto na moto na nse ya nzete na ye ya vinyo mpe na nse ya nzete na ye ya figi, mpe moto ata moko te akozala mpo na kolɛngisa bango.”—Mika 4:4.
Ekokómisa mabele paradiso. “Esobe mpe etúká oyo ezangá mai ekosepela, mpe mokili patatalu oyo ekauká ekozala na esengo mpe ekobimisa bafololo lokola safra.”—Yisaya 35:1.
Ekopesa moto nyonso mosala ya malamu. “Bato oyo [Nzambe aponi] bakozwa mpenza litomba na mosala ya mabɔkɔ na bango. Bakoboma nzoto mpamba te.”—Yisaya 65:21-23.
Ekolongola maladi. “Moto moko te oyo afandi kuna akoloba: ‘Nazali na maladi.’”—Yisaya 33:24.
Ekozongisa mibange bilenge. “Mosuni na ye ekóma ya sika koleka oyo ya bolenge; azonga na mikolo oyo azalaki na makasi ya bolenge.”—Yobo 33:25.
Ekozongisa bakufi na bomoi. “Baoyo nyonso bazali na kati ya malita bakoyoka mongongo [ya Yesu] mpe bakobima.”—Yoane 5:28, 29.

Masolo mosusu

Biblia Bokonzi ya Nzambe Bampasi Biyano na mituna ya Biblia

Talá mpe...

BIYANO NA MITUNA YA BIBLIA

Ndenge nini kimya ekokɔta na mokili?

Talá ndenge Bokonzi ya Nzambe ekokokisa elaka oyo apesi ya kotya kimya na mokili.

MAKAMBO MOSUSU

Elikya ya solosolo mpo na mikolo ezali koya

Mpo nini bilaka oyo ezali na Biblia ekeseni mpenza bisakweli mpe bilaka oyo bato bapesaka?

MATEYA MPENZA YA BIBLIA

Bokonzi ya Nzambe ezali nini?

Ntango Yesu azalaki awa na mabele, ateyaki makambo etali Bokonzi ya Nzambe koleka makambo mosusu nyonso.

LINƆ́NGI YA MOSƐNZƐLI

Bokonzi ya Nzambe ekosala makambo nini?

Yesu ayebaki ete kaka Bokonzi ya Nzambe nde ekosilisa makambo ya mabe oyo ezali kosalema na mokili. Makambo nini Bokonzi ya Nzambe esí esali oyo ebakisi kondima na yo?