ໃຜແທ້ໆທີ່ເປັນຜູ້ປົກຄອງໂລກນີ້?
ທ່ານອາດຈະຕອບວ່າ . . .
-
ແມ່ນພະເຈົ້າ
-
ແມ່ນມະນຸດ
-
ບໍ່ຮູ້
ຄຳພີໄບເບິນກ່າວວ່າ
“ມະນຸດສະໂລກທັງສິ້ນນອນຢູ່ໃນຜູ້ຮ້າຍນັ້ນ.”—1 ໂຢຮັນ 5:19
“ພະບຸດແຫ່ງພະເຈົ້າໄດ້ສະເດັດປາກົດມາ . . . ເພື່ອຈະໄດ້ກະທຳໃຫ້ການຂອງພະຍາມານຈິບຫາຍເສຍ.”—1 ໂຢຮັນ 3:8
ເຮົາຈະໄດ້ຫຍັງ?
ໄດ້ຄຳອະທິບາຍວ່າເປັນຫຍັງໂລກນີ້ຈຶ່ງມີບັນຫາຕ່າງໆ.—ຄຳປາກົດ 12:12
ຈະເຊື່ອໄດ້ວ່າເປັນຫຍັງໂລກນີ້ຈະມີການປ່ຽນແປງໃຫ້ດີຂຶ້ນ.—1 ໂຢຮັນ 2:17
ເຮົາຈະເຊື່ອໄດ້ແທ້ໆບໍໃນສິ່ງທີ່ຄຳພີໄບເບິນກ່າວໄວ້?
ເຊື່ອໄດ້ແທ້ ຢ່າງໜ້ອຍມີເຫດຜົນສາມຢ່າງ:
-
ການປົກຄອງຂອງຊາຕານຈະຖືກທຳລາຍ. ພະເຢໂຫວາໄດ້ກຳນົດໄວ້ແລ້ວວ່າອຳນາດຂອງຊາຕານທີ່ຄວບຄຸມມະນຸດຊາດຕ້ອງຈົບສິ້ນລົງ. ພະອົງສັນຍາວ່າຈະ “ທຳລາຍ . . . ພະຍາມານ” ແລະຈະແກ້ໄຂຜົນເສຍຫາຍທັງໝົດທີ່ຊາຕານໄດ້ກໍ່ຂຶ້ນ.—ເຫບເລີ 2:14
-
ພະເຈົ້າໄດ້ເລືອກພະເຍຊູຄລິດໃຫ້ປົກຄອງໂລກນີ້. ການປົກຄອງຂອງພະເຍຊູແຕກຕ່າງຢ່າງສິ້ນເຊີງກັບການປົກຄອງຂອງຊາຕານເຊິ່ງມີແຕ່ຄວາມໂຫດຮ້າຍແລະເຫັນແກ່ຕົວ. ພະເຈົ້າໄດ້ສັນຍາວ່າການປົກຄອງຂອງພະເຍຊູຈະ “ອີ່ດູຄົນທຸກຍາກກັບຄົນຈົນ . . . ພະອົງຈະໄຖ່ຈິດໃຈຂອງເຂົາໃຫ້ພົ້ນຈາກການບັງບຽດແລະຈາກການຮ້າຍ.”—ຄຳເພງ 72:13, 14
-
ພະເຈົ້າບໍ່ເວົ້າຕົວະ. ຄຳພີໄບເບິນກ່າວຢ່າງຊັດເຈນວ່າ “ພະເຈົ້າຈະເວົ້າຕົວະບໍ່ໄດ້.” (ເຫບເລີ 6:18) ເມື່ອພະເຢໂຫວາສັນຍາວ່າຈະເຮັດສິ່ງໃດ ສິ່ງນັ້ນກໍຈະຕ້ອງສຳເລັດ. (ເອຊາອີ 55:10, 11) “ເຈົ້ານາຍແຫ່ງໂລກນີ້ຈະເປັນທີ່ຖິ້ມພາຍນອກ.”—ໂຢຮັນ 12:31
ສິ່ງທີ່ຄວນຄິດເຖິງ
ຫຼັງຈາກຜູ້ປົກຄອງໂລກນີ້ຖືກທຳລາຍ ສະພາບການໃນໂລກຈະເປັນແນວໃດ?
ຄຳພີໄບເບິນມີຄຳຕອບໃນພະທຳຄຳເພງ 37:10, 11 ແລະ ຄຳປາກົດ 21:3, 4.
ເລື່ອງທີ່ເຈົ້າອາດຈະມັກ
ຄຳສອນ
ເປັນຫຍັງພະເຈົ້າຈຶ່ງຍອມໃຫ້ມີຄວາມທຸກ?
ຄຳພີໄບເບິນໃຫ້ຄຳຕອບທີ່ໜ້າພໍໃຈແລະໃຫ້ກຳລັງໃຈເຮົາ.
ກ່ຽວກັບເຮົາ
ເປັນຫຍັງຈຶ່ງສຶກສາຄຳພີໄບເບິນ?
ຄຳພີໄບເບິນໄດ້ຊ່ວຍຫຼາຍລ້ານຄົນທົ່ວໂລກໃຫ້ໄດ້ຮັບຄຳຕອບທີ່ສຳຄັນໃນຊີວິດ. ທ່ານຢາກເປັນຜູ້ໜຶ່ງໃນນັ້ນບໍ?
ກ່ຽວກັບເຮົາ
ຂໍໃຫ້ມີຄົນມາສອນ
ເບິ່ງວ່າຄຳພີໄບເບິນສອນຫຍັງ ຫຼືມາຮູ້ຈັກພະຍານພະເຢໂຫວາຫຼາຍຂຶ້ນ.
