Jobo 12:1-25
12 Cwale Jobo aalaba, ali:
2 “Kaniti mina batu ki mina babanani zibo,*Mi butali bukafela ka nako yemuka shwa!
3 Kono ni na, ninani ngana.*
Hamu nifiti ku sesiñwi.
Ki mañi yasazibi litaba ze?
4 Nifetuhile nto yesehiwa ki balikani baka,+Na mutu yakupa Mulimu kuli anialabe.+
Mutu yalukile ni yasanyazahali wasehiwa.
5 Mutu yasanyandi unyefula yatahezwi ki ziyezi,Uhupula kuli ziyezi itahelanga feela ba mahutu ashekesha.*
6 Litende za masholi li mwa kozo,+Mi babahalifisa Mulimu baiketile,+Bona babanani mulimu wabona mwa mazoho abona.
7 Kono hamubuze lifolofolo, mi lika miluta;Mubuze ni linyunywani za mahalimu, mi lika mitaluseza.
8 Kamba mubuze* lifasi, mi lika miluta;Mi litapi za mwa liwate lika mibulelela.
9 Ki ifi kwa lika zeo kaufela yesazibi kuliLizoho la Jehova ki lona leliezize cwalo?
10 Bupilo bwa lika kaufela zepila* bu mwa lizoho lahaeNi moya* wa mutu kaufela u mwa lizoho lahae.+
11 Kana zebe haizibi kuketa manzwiSina lulimi moluzibela muutwahalelo wa lico?+
12 Kana butali habufumanwi ku babahulile,+Mi kana kutwisiso haifumanwi ku babapilile nako yetelele?
13 Ku yena kufumanwa butali ni maata;+Ku yena kufumanwa likelezo ni kutwisiso.+
14 Halutulula nto yeñwi, haikoni kuyahiwa sinca;+Sakwalile, hakuna mutu yakona kusikwalula.
15 Hakwalela mezi, lika kaufela zaoma;+Halukulula mezi, atala mwa lifasi.+
16 Ki yamaata mi unani butali sakata;+Unani maata fahalimwaa yakeluha mwa nzila ni yakelusa babañwi;
17 Utahisa kuli baelezi bazamaye basina makatulo,*Mi uzizibaza baatuli.+
18 Utamulula mawenge atamilwe ki malena,+Mi ubatama makanda mwa liteka.
19 Utahisa kuli baprisita bazamaye basina makatulo,+Mi utulula babamaata;+
20 Baelezi babasepilwe ubatokwisa manzwiMi basupali* ubaamuha kutwisiso;
21 Utahisa kuli babakutekeha+ bashubulwe,Mi ufokolisa babamaata;*
22 Upatulula lika zetungile kulizwisa mwa lififi,+Mi utahisa lififi lelituna mwa liseli;
23 Utiisa macaba ilikuli aatimeze;Uhulisa macaba kuli aaise mwa buhapiwa.
24 Baeteleli ba batu ubaamuha kutwisiso*Mi ubayambaelisa mwa mahalaupa mokusina linzila.+
25 Babubutela mwa lififi,+ mokusina liseli;Utahisa kuli batantalike sina batu babakozwi.+
Litaluso ze kwatasi
^ Linzwi ka linzwi, “ki mina batu.”
^ Linzwi ka linzwi, “pilu.”
^ Kamba “atelela.”
^ Kamba mwendi, “mubulele ni.”
^ Kamba “moyo wa mutu kaufela yapila.”
^ Kamba “moya obululwa.”
^ Kamba “baamuhiwe lika kaufela.”
^ Kamba “baana-bahulu.”
^ Linzwi ka linzwi, “utamulula lukanda lwa babamaata.”
^ Linzwi ka linzwi, “pilu.”
