TUTO 25
Mulimu Ubata Kuli Batu Bapile Bupilo Bobucwañi?
Bibele ibulela kuli bupilo bwa batu ki ‘bobukuswani mi butezi liziyezi.’ (Jobo 14:1) Kana Mulimu ubata kuli lupile bupilo bobucwalo? Haiba haki cwalo, Mulimu ubata kuli lupile bupilo bobucwañi? Kana nako yeñwi lukapila bupilo bwabata Mulimu kuli lupile? Halunyakisiseñi litaba zeomba-omba ze mwa Bibele.
1. Jehova ubata kuli lupile bupilo bobucwañi?
Jehova ubata kuli lupile bupilo bobunde hahulu. Jehova hanaabupile batu bapili, bona bo Adama ni Eva, naababeile mwa paradaisi yende ili simu ya Edeni. Mi “Mulimu abafuyola, mi ali ku bona: ‘Mupepe mi muate, mutaze lifasi mi mubuse fahalimwaa lona.’” (Genese 1:28) Jehova naabata kuli bo Adama ni Eva babe ni bana, bafetule lifasi kaufela kuba paradaisi ni kubabalela lifolofolo. Mulimu naabata kuli batu kaufela babe ni buikangulo bobunde ni kupila kuya kuile.
Nihaike kuli nekusikaba cwalo, a Mulimu usabata kuli batu bapile bupilo bobucwalo. (Isaya 46:10, 11) Ubata kuli batu baba muutwa bapile bupilo bobunde kuya kuile.—Mubale Sinulo 21:3, 4.
2. Ki nto mañi yekona kulutusa kupila bupilo bobunde cwale?
Jehova naalubupile ni takazo ya kubata kumuziba ni kumulapela. (Mubale Mateu 5:3-6.) Ubata kuli lube ni silikani sesinde ni yena, ‘luzamaye mwa linzila zahae kaufela, mi lumulate,’ ni kumusebeleza ‘ka pilu yaluna kaufela.’ (Deuteronoma 10:12; Samu 25:14) Haluka eza cwalo, lukaba ni tabo kusina taba ni miinelo yetaata yelukopana ni yona. Kulapela Jehova kulutusa kupila bupilo bobunde bobu mutabisa.
MUBATISISE
Muitute ka za lilato lanaabonisize Jehova ka kubupa lifasi laluna ni zeli luluta Linzwi lahae ka za mulelo wa bupilo.
3. Jehova ubata kuli batu bapile bupilo bobunde
Mubuhe VIDIO, mi kihona mukanyakisisa puzo yelatelela.
VIDIO: Mulimu Naabupeziñi Lifasi? Kalulonyana ya vidio (1:41)
-
Ki kabakalañi Mulimu hanaabupile lifasi laluna lelinde?
Mubale Muekelesia 3:11, mi kihona mukanyakisisa puzo yelatelela:
-
Taba ye imilutañi ka za Jehova?
4. Jehova hasika cinca mulelo wahae
Mubale Samu 37:11, 29 ni Isaya 55:11, mi kihona mukanyakisisa puzo yelatelela:
-
Luziba cwañi kuli Jehova usabata kuli lupile bupilo bobunde?
Ndu yesinyehile yakona kulukiswa sinca. Ka nzila yeswana, lifasi lebasweli kusinya batu, likalukiswa sinca ki Mulimu ilikuli kupile fateñi batu baba mulata
5. Kulapela Jehova kulutusa kupila bupilo bobunde
Kuziba kuli Jehova ubata kuli lupile bupilo bobunde kulutahiseza tabo. Mubuhe VIDIO, mi kihona mukanyakisisa puzo yelatelela.
-
Bo Terumi nebatusizwe cwañi kuziba kuli Jehova ubata kuli lupile bupilo bobunde?
Mubale Muekelesia 12:13, mi kihona mukanyakisisa puzo yelatelela:
-
Bakeñisa kuli Jehova uluezelize lika zeñata, luswanela kubonisa cwañi kuli lwaitumela ku yena?
MUTU YOMUÑWI UKONA KUMIBUZA KULI: “Mulimu ubata kuli lupile bupilo bobucwañi?”
-
Mukona kualaba cwañi?
LITABA KA BUKUSWANI
Jehova ubata kuli luikole bupilo bobunde kuya kuile fa lifasi. Halulapela Mulimu ka pilu yaluna kaufela, lwakona kupila bupilo bobunde nihaiba ka nako yacwale.
Mulundulule
-
Jehova naabata kuli Adama ni Eva bapile bupilo bobucwañi?
-
Luziba cwañi kuli Mulimu usabata kuli batu bapile bupilo bobunde?
-
Ki lika mañi zekona kumitusa kupila bupilo bobunde?
MUBONE LITABA ZEÑWI
Munyakisise bupaki bobubonisa kuli simu ya Edeni neili teñi.
“Kana Simu ya Edeni—Neisiyo Kamba Neili Teñi?” (Tawala ya Mulibeleli, January 1, 2011)
Muitute litaba zebonisa kuli lifasi likaina kuya kuile.
Munyakisise zeibulela Bibele zekona kumitusa kupila bupilo bobunde.
Mubone zanaaitutile muuna yomuñwi yanaanga kuli naanani lika kaufela.
a Mwa tuto yetatama, mukaituta libaka batu habakopana ni manyando.
Hape Mwendi Mwakona Kutabela Litaba Ze
LIPUZO ZEBUZIWANGA HAÑATA
Tuto ya Bibele Yebazamaisanga Lipaki za Jehova ki Nto Mañi?
Hamunze muituta Bibele ni Lipaki za Jehova, mwakona kuitusisa toloko ya Bibele ifi kamba ifi yemutabela. Mulukuluhile kumema lubasi lwamina kaufela kamba mulikani wamina ufi kamba ufi kuli afumanehe kwa tuto yamina.
