Zanaaezize Jesu

Luitutañi ku Jesu

2. Haiba luluta ka nzila yebunolo, batu bakahupula zebaitutile mi lukaba fita kwa lipilu.

 Mulikanyise Jesu

3. Musike mwabulela hahulu. Musike mwabulela litaba kaufela zemuziba ka za taba yeñwi, kono mukoñomeke litaba zemuluta mutu mwa hatiso yeitusiswa kwa kuituta Bibele. Hase mubuzize puzo, mulibelele kuli muituti aalabe. Haiba hazibi kalabo, kamba mwendi kalabo yafa ilwanisana ni zeiluta Bibele, mubuze lipuzo zeñwi zeka mutusa kunahanisisa taba yeambolwa. Muituti hasaautwisisize sisupo sesituna, muye fa taba yetatama.

4. Mutuse muituti wamina kuziba moliswalisanela litaba zaziba nikale ni litaba zenca zasweli kuituta. Ka mutala, pili musika kalisa kale kuituta za zuho ya bafu, mulundulule ka bukuswani zaitutile muituti ka za muinelo obali ku ona batu babashwile.

5. Muitusise liswanisezo ka tokomelo. Musika itusisa kale swanisezo, muipuze kuli:

1.    ‘Kana swanisezo ye ibunolo kuiutwisisa?’

2.   ‘Kana muituti waka ukautwisisa swanisezo ye ka bunolo?’

3.   ‘Kana ikatusa muituti waka kuhupula sisupo sesituna kufita kuhupula feela swanisezo yeo?’