KUKALISA PUISANO
TUTO 3
Sishemo
Sikuka: “Lilato linani . . . sishemo.”—1 Makor. 13:4.
Zanaaezize Jesu
1. Mubuhe VIDIO, kamba mubale Joani 9:1-7. Hasamulaho, munyakisise lipuzo zelatelela:
-
Ki lika mañi zanaaezize Jesu pili, kana neli kufolisa muuna wa sibofu kamba kukutaza ku yena taba yende?—Mubone Joani 9:35-38.
Luitutañi ku Jesu?
2. Mutu ukona kutabela kuteeleza ku luna haiba alemuha kuli lwamuisa pilu.
Mulikanyise Jesu
3. Mube ni kutwelo-butuku. Munahanisise mwaikutwela.
-
Muipuze kuli: ‘Ki lika mañi zemubilaeza? Ki lika mañi zekona kumutusa zakona kutabela kuteeleza?’ Kueza cwalo kuka mitusa kumubonisa sishemo habuniti.
-
Mubonise kuli mwaisa pilu mutu yo ka kuteeleza ku yena. Haiba amitaluseza mwaikutwela ka za taba yeñwi kamba kumitaluseza butata bwakopana ni bona, musike mwacinca taba ni kukala kuambola litaba lisili.
4. Mubulele ka sishemo ni ka likute. Haiba mwaisa pilu mutu yemuambola ni yena mi mubata kumutusa luli, ukaziba cwalo ka moliutwahalela linzwi la mina. Mukete hande litaba zemubulela ni momu libulelela, mi musike mwabulela lika zekona kusitatalisa mutu yo.
5. Mutabele kutusa. Mubate linzila zemukona kutusa ka zona mutu yemuambola ni yena. Haiba mubonisa mutu sishemo, wakona kutabela kuteeleza ku mina.
