Mulate Babañwi
Butata
Kukona kuunga nako yetelele kuli mutu atuhele mukwa wa kuketululanga babañwi. Sina hakukona kuunga nako kuli mutu yakula afole, kuunganga nako ni buikatazo kuli mutu atuhele kuketulula babañwi. Mutokwa kuezañi kuli mutuhele kuketulula babañwi?
Sikuka sa Mwa Bibele
“Muapale lilato, kakuli lilato liswalisanisa batu ka kutala.”—MAKOLOSE 3:14.
Timana ye ilulutañi? Kuezeza babañwi lika zende kutahisa swalisano. Hamunze mubonisa babañwi kuli mwabalata, moya wa kubaketulula ukafela hanyinyani-hanyinyani. Lilato lamina ku babañwi likatahisa kuli musike mwabatoya kamba kubaeza maswe.
Zemukona Kueza
Munahane lika zemukona kueza kuli mubonise lilato lamina kwa batu bone muunga kuli bamaswe. Hamutokwi kueza lika zetuna hahulu. Mwakona kueza zeñwi za lika zelatelela:
Hamubonisa lilato, mukatuhela kubonisa ketululo hanyinyani-hanyinyani
Mwakona kubabonisa mikwa yeminde ka kubaswalela sikwalo kuli bona bakene pili mina musika kena kale kamba kubafa sipula samina mwa mbasi.
Mulike kuikambota ni bona, nihaikaba kuli habazibi kubulela hande puo yamina.
Mube ni pilu-telele habaeza lika zemusa utwisisi.
Mubonise kuli mwabaisa pilu haba mibulelela matata ebakopana ni ona.
Hape Mwendi Mwakona Kutabela Litaba Ze
MUZUHE!
Ketelelo ya Mwakupilela ka Kozo ni Babañwi
Ki tulemeno mañi totukona kulutusa kupila ka kozo ni babañwi?
