Kana Mwa Tabela ku ba Mulikanaa Mulimu?

● Ne mu ka alaba cwañi puzo yeo? Musizana yo muñwi ya pila kwa sibaka sa kwahule mwa silalo sa Guerrero, kwa Mexico, na ikutwa kuli mutu ha koni ku ba mulikanaa Mulimu. Basizana ba babeli ba ba li Lipaki za Jehova ne ba mu bonisize broshuwa ye li Mwa Kona ku Ba Mulikan’a Mulimu! mwa puo ya habo. Musizana yo na komokile hahulu ku bona broshuwa yeo mwa puo ya habo ya Tlapanec, kakuli lihatiso fela za na bonanga mwa puo ya habo ki za muuso.

Basizana ba babeli bao ba mu taluseza kuli broshuwa yeo i bonisa kuli Mubupi wa mu lata kakuli ka ku ituta yona, u ka fita fa ku ziba Mubupi. Musizana yo a bala ka cisehelo tuto ya pili, ye li “Mulimu U Mi Mema Kuli Mu Itame Bulikani ni Yena.” Ha sa felize ku i bala, a li: “Ni bata ku ba mulikanaa Mulimu. Kana mwa kona ku ni fumanela Bibele?” Lipaki ha ne ba mu iselize Bibele, bo mahe musizana yo ba ba kupa ku ina nako ye telele kuli ba ba lute litaba ze ñata.

Puo ya Tlapanec ki ye ñwi ya lipuo ze 17 za si-India ze bulelwa mwa Mexico mi broshuwa ya Mwa Kona ku Ba Mulikan’a Mulimu! i fumaneha ni mwa puo yeo. Mwa lifasi kaufela, broshuwa ye i fumaneha mwa lipuo ze 278 (ku beya cwalo ni mwa muñolo wa libofu). Haiba mwa tabela ku ba ni broshuwa ye, mwa kona ku i kupa ka ku taleleza kalulo ye bonisizwe kwatasi ni ku i lumela kwa keyala ye bonisizwe kwatasi kamba kwa keyala ye bonisizwe fa likepe 5 la magazini ye.

□ Ni kupa kuli mu ni lumeleze broshuwa ye bonisizwe fa.

□ Ni kupa kuli mutu yo muñwi a tahange fa ndu ya ka ku to ni luta Bibele.