Mulimu ki Mañi?
Batu babañata babulela kuli balumela ku Mulimu. Kono hamuka babuza kuli Mulimu ki mañi, bakamifa likalabo zeshutana-shutana. Babañwi babulela kuli Mulimu ki muatuli ya situhu, ili yabata feela kufa koto batu bakeñisa likezo zabona zemaswe. Babañwi bona bali Mulimu unani lilato nako kaufela mi ulata kuswalela kusina taba ni zebaeza batu. Mi babañwi bona balumela kuli Mulimu u kwahule hahulu ni luna mi haana taba ni luna. Mibonelo yeshutana-shutana yeo itahiseza babañwi kuikutwa kuli hakukonahali kuziba kuli Mulimu ki mañi.
Kana lwatokwa kuziba Mulimu? Eni. Kuziba hande Mulimu kukona kumitusa kuziba zemupilela ni kuikola bupilo. (Likezo 17:26-28) Hamunze musutelela ku Mulimu, ukamilata hahulu mi ukamitusa. (Jakobo 4:8) Sa butokwa ni kufita kikuli, kuziba hande Mulimu kukamitusa kuto fumana bupilo bobusa feli.—Joani 17:3.
Mukona kuziba cwañi Mulimu? Munahane ka za mutu yomuziba hande, inge cwalo mulikanaa mina yomutuna. Bulikani bwamina nebukalile cwañi? Mwendi nemukalile ka kuziba libizo la mutu yo, butu bwahae, zatabela ni zasatabeli, mane ni zaezize mwa bupilo ni zalela kueza, ni zeñwi cwalo. Kuituta za mutu yo, nekutahisize kuli mube balikani.
Ka nzila yeswana, lwakona kuziba hande Mulimu ka kunyakisisa lipuzo zelatelela:
Magazini ye, ifa likalabo za mwa Bibele kwa lipuzo zeo. Litaba ze mwa magazini ye, likamitusa kuziba Mulimu ni momukona kutusezwa hamuba ni silikani sesinde ni yena.
Hape Mwendi Mwakona Kutabela Litaba Ze
TAWALA YA MULIBELELI
Libizo la Mulimu ki Lifi?
Kana mwaziba kuli Mulimu unani libizo lelimuzibahaza?
MUZUHE!
Ku Ziba Kuli Mulimu U Teñi ku Kona ku mi Ama Cwañi?
Kana kwa tusa ku ziba kalabo kwa puzo ye ba nahana batu ba bañwi kuli haki ya butokwa?
TAWALA YA MULIBELELI
Kana Luli Lwakona Kufumana Mulimu?
Lika zelusa koni kuutwisisa ka za Mulimu zakona kulutusa ku muziba hande.
