• Yalilato Kana mwatabela kupila mwa lifasi mokusina lindwa, mifilifili, ni sitoyo?

• Kana mwatabela kuli matuku, manyando, ni lifu lifeliswe?

• Kana mwatabela kupila mwa lifasi momusike mwabilaelanga nihanyinyani?

• Kana mwatabela kupila mwa lifasi mokusike kwaba ni likozi?

Mulimu waluna yalilato, yena yabupile lifasi lelinde le lelupila ku lona, usepisize kuli kwapili batu bakapila bupilo bwa kozo mi bakaba ni tabo kuya kuile. Taba yeo ikaezahala luli.

• Mwaikutwela Mubupi waluna ka za batu

• Zelilubulelela Linzwi la Mulimu

• Zene babulezi bapolofita ka za lika zende zakaeza Mulimu kwapili

• Zelukona kueza kuli lupile bupilo bwa tabo ka nako yacwale ni kuli luto ikola limbuyoti za Mulimu kuya kuile

Halukaleñi ka kunyakisisa zaluezelize Mubupi waluna yalilato ili zebonisa kuli walulata.