•   “Ibato ba hafu ya batu babahulu babapila mwa United States baikutwanga buinosi, kono palo yetuna ya batu babatalimana hahulu ni butata bo ki ya babanca.”—Buka ya Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.

•   La November 15, 2023, ba katengo ka World Health Organization nebabulezi kuli bafile sikwata sa batu babañwi musebezi wa kutatulula butata bwa kuikutwa buinosi ni kuli baange butata bo kuli butokwa kutalimwa kapili, kususueza batu kuli baise pilu kwa kueza silikani ni batu babañwi, ni kuli bafumane linzila zende zekona kutusa kutatulula butata bwa kuikutwa buinosi mwa linaha kaufela, kusina taba ni kuli linaha zeo lishebile kamba kutokwa.

 Bibele ilufa likelezo zende za molukona kubela ni silikani sesinde ni batu babañwi ili nto yeka lutusa kusaikutwa buinosi.

 Mukusufaze kwa lika zetahisanga kuli mupalelwe kutandanga nako ni babañwi. Lika zeo likopanyeleza kuitusisa hahulu mawebusaiti a kulumelana ka ona mashango. Mubatange linzila za momukona kutandelanga ka zona nako ni babañwi mi mubate balikani ba niti.

•   Sikuka sa mwa Bibele: “Mulikani wa niti ubonisa lilato ka nako kaufela, mi upepezwi kuli abe mwanahabo mutu mwa linako za ziyezi.”—Liproverbia 17:17.

 Mubate linzila za momukona kutuseza babañwi. Kuezeza batu babañwi lika zende kuka mitusa kutiisa silikani samina ni bona mi hape kuka mitusa kuba ni tabo.

•   Sikuka sa mwa Bibele: “Kunani tabo yetuna mwa kufana yefita ye mwa kufiwa.”—Likezo 20:35.

 Mukene fa webusaiti yaluna kuli mufumane litaba zeñata za mwa Bibele zekona kumitusa kuba ni balikani babande.