Ñimbo ya Mitōto 102:1-28
Milombelo ya muntu umona malwa kitatyi kyadi munyoñame pa mutyima* penepa kapungulwila myanda yandi kudi Yehova.+
102 A Yehova, ivwana milombelo yami;+Kulomba konomba bukwashi kufike kodi.+
2 Kokamfya mpala yobe mu kitatyi kyami kya tusua.+
Tá kutwi kobe* kondi;Nondolole bukidibukidi pongita.+
3 Mwanda mafuku ami keajimina pamo bwa mwishi,Kadi mikupa yami ibatēma pamo bwa kyoto kya mudilo.+
4 Mutyima wami ubatyumuka pamo bwa biyombo kadi ubaume tē,+Mwanda nailwa kudya byakudya byami.
5 Pa mwanda wa kubinza kwami kukatampe,+Mikupa yami ibalamata ku mwita wami.+
6 Kendi pamo bwa diomba dya mu ntanda mutuputupu;Naikala pamo bwa katungutungu mu masala.
7 Ndēle ntala’nka kutala;*Naikala pamo bwa koni ketolwele pa musaka.+
8 Balwana nami bankolomonanga difuku dyonso dituntulu.+
Boba banzawila* bengidijanga dijina dyami bu mafingo.
9 Mwanda ndyanga buto bu mukate wami,+Kadi bitomibwa byami i bityangwe na impolo,+
10 Pa mwanda wa bulobo bobe ne kufītwa mutyima kobe,Ke-pantu ubantekuna mwanda’tu wa kungela.
11 Mafuku ami adi pamo bwa munjiñininya wenda ujimina,*+Kadi naūme tē pamo bwa biyombo.+
12 Ino abe Yehova, udi’ko nyeke,+Kadi ntumbo* yobe ikalādila ku nkongo yonso.+
13 Na bubine ukemana ne kwivwanina Ziona lusa,+Mwanda kyo kitatyi kya abe kumutōkelwa mutyima;+Kitatyi kitungwe kibafika.+
14 Mwanda bengidi bobe baloelelwe mabwe andi+Kadi basenswe ne luvumbi lwandi.+
15 Mizo ikatyina dijina dya Yehova,Balopwe bonso ba pa ntanda nabo bakatyina ntumbo yobe.+
16 Mwanda Yehova ukōbakulula Ziona;+Ukamweka mu ntumbo yandi.+
17 Ukata mutyima ku milombelo ya balanda;+Kakafutululapo milombelo yabo.+
18 Kino i kilembelwe lukongo lwiya’ko,+Amba bantu kebabutwilwe* bakatendele Yah.
19 Mwanda utalanga panshi aye peulu pandi pajila,+Yehova umonanga ntanda aye mu madiulu,
20 Mwanda wa kwivwana kubinza kwa mukutwa,+Kukutulula boba batyibilwe nsambu ya lufu,+
21 Amba dijina dya Yehova disapulwe mu Ziona+Ne mitendelo yandi mu Yelusalema,
22 Bantu ne malopwePobebunga pamo kwingidila Yehova.+
23 Aye waunyoñomwene bukidibukidi bukomo bwami;Waipipije mafuku ami.
24 Nanenene amba: “A Leza wami,Kokamfundula pa bukata bwa būmi bwami,Abe wa myaka ifika ne ku nkongo yonso.+
25 Tamba kala waadile byalwilo bya ntanda,Kadi madiulu i mingilo ya makasa obe.+
26 Bikonekanga, ino abe ukekala’ko nyeke;Byonso bikanunupa pamo bwa kivwalwa.
Ukebipingakanya pamo bwa kisandi, kadi bikapita.
27 Ino abe udi muswelo umo onka, kadi myaka yobe keikafulepo nansha dimo.+
28 Bana ba bengidi bobe bakekala na mutyima-ntenke,Kadi lutundu lwabo lukakomejibwa pototo ku meso obe.”+
Kunshi kwa Dyani
^ Nansha’mba “kyazoza.”
^ Nansha’mba “Bandama wivwane.”
^ Bibwanika padi i, “Nanyana tē.”
^ Nansha’mba “banembakanya.”
^ Nansha’mba “munjiñininya wenda ulepa.”
^ Nansha’mba “dijina.” Kishima pa kishima i, “kivulukilo.”
^ Kishima pa kishima i, “kebapangilwe.”
