Ñimbo ya Mitōto 78:1-72
Mashikile* a Asafa.+
78 A bantu bami, ivwanai bijila byami;*Tebekai kutwi kwenu ku binenwa bya kyakanwa kyami.
2 Nkāsama kyakanwa kyami mu lukindi.
Nkatyonka ntyonko ya pa kala.+
3 Bintu byotwaivwene ne byotuyukileByetubangile batata,+
4 Ketukafi’byopo babo bana;Tukabangila’byo lukongo lwiya’ko+Bilongwa bya kwanwa bya Yehova ne bukomo bwandi,+Bintu bya kutendelwa byalongele.+
5 Watūdile’ko kivulujo mu YakobaNe kutūla’ko kijila mu Isalela;Wasoñenye bakulutuba betuAmba bayukije babo bana bino bintu,+
6 Pa kusaka’mba lukongo lulonda’ko,Bana bakabutulwa, bebiyuke.+
Abo nabo bakabangile’byo babo bana.+
7 Ebiya bano’ba bakatūla lukulupilo lwabo mudi Leza.
Kebakelwapo mingilo ya Leza+Ino bakalama misoñanya yandi.+
8 Penepo kebakekalapo pamo bwa bakulutuba babo,Lukongo lwa mitwe myūmu kadi lutomboke,+Lukongo lwa mutyima utelententa*+Ne lwa mushipiditu wampikwa kikōkeji kudi Leza.
9 Bene Efelaimi badi bavwele buta bwa miketo,Ino banyema mu difuku dya bulwi.
10 Kebalaminepo kipwano kya Leza+Ino bapela kunangila mu bijila byandi.+
11 Kadi baidilwe byobya byawalongele,+Bilongwa byandi bya kutendelwa byaebalombwele.+
12 Walongele bintu bya kwanwa mu meso a bakulutuba benu,+Mu ntanda ya Edipito, mu ntanda ya Zoane.+
13 Wakalañenye dijiba mwanda wa bapite’mo,Kadi waimikile mema pamo bwa mumba.*+
14 Webendeja na dikumbi dyubaKadi bufuku bonso na kitōkeji kya mudilo.+
15 Walala mabwe mu ntanda mutuputupu,Webatomeja mema ne pa mfulo pamo bwa ku mema malamala.+
16 Watambije tuminonga mu kidibweNe kukukija mema pamo bwa minonga.+
17 Ino abo badi enka bamupya mamboNa kutombokela Mwine wa Peulu Mwine mu ntanda mutuputupu;+
18 Basombele* Leza mu mutyima wabo+Kebamulombe byakudya byobadi babila.*
19 Ebiya banenena Leza bibi,Amba: “Lelo Leza ubwanya kwala meza mu ntanda mutuputupu?”+
20 Tala! Wakupile ku dibweEbiya mema atamba ne tuminonga twasalala.+
“Le ubwanya kwitupa ne byakudya,Nansha’ko ubwanya kupa bantu bandi mwita wa ntanda?”+
21 Yehova pa kwibevwana, wakalabala bya mwiko;+Mudilo+ waakila Yakoba,Kadi walobela Isalela bininge+
22 Mwanda kebadipo na lwitabijo mudi Leza;+Kebadipo bakulupile mu bukomo bwandi bwa kwibapandija.
23 Ebiya wasoñanya madiulu a makumbi mūlu,Washitula ne bibelo bya mūlu.
24 Webanokejeje māna a kudya;Webapa miseke ya mūlu.+
25 Bantu badile byakudya bya bakomokomo;*+Webapa bivule byobekuta.+
26 Watetwile kivula kya kutunduka mūluNe kupukumija kivula kya kunshi na bukomo bwandi.+
27 Kadi webanokejeje mwita wa ntanda pamo bwa luvumbi,Byoni pamo bwa musenga wa ku mukunko wa dijiba.
28 Webiponejeje mu bukata mwa nkambi yandi,Kufulakufula kwa mapema andi.
29 Badya dyē;Webapa byobadi basaka.+
30 Ino kumeso kwa kupwa kilokoloko kyabo,Abyo byakudya bikidi mu kyakanwa kyabo,
31 Leza webakalabela bininge.+
Waipaya babo bantu bakomo bininge;+Watūkija panshi bansongwalume ba Isalela.
32 Nansha nankyo balongele bubi monka+Kadi kebaikelepo na lwitabijo mu mingilo yandi ya kutendelwa.+
33 Penepo wafudija mafuku abo pamo bwa umpuya wa bitupu,+Ne myaka yabo na luzakalo lwa mu kitulumukila.
34 Ino kyaba kyonso kyaadi wibepaya, badi bamukimba;+Badi bajoka ne kukimba Leza,
35 Bavuluka’mba Leza i Dibwe+ dyaboNe amba Leza Mwine wa Peulu Mwine i Mukūdi*+ wabo.
36 Ino basakile kumongola na kyakanwa kyaboKadi bamubepela na ludimi lwabo.
37 Mutyima wabo kewadipo muninge kwadi;+Kadi kebadipo bakōkele kipwano kyandi.+
38 Ino aye wadi wa lusa;+Wadi wibalekela* kilubo kyabo ne kwibonakanya mpika.+
Divule wadi ukankaja bulobo bwandi+Pa kyaba kya kukolomona bukalabale bwandi bonso.
39 Mwanda wavulukile amba abo i ngitu,+Luvula lupukuma lwapita ne kujoka mpika.*
40 Bine bamutombokele divule dine mu ntanda mutuputupu+Ne kumusanshija mu ntanda mudi zolē!+
41 Kyaba ne kyaba badi batūla Leza pa ditompo,+Ne kufītyija* Mwine Ujila wa Isalela mutyima.
42 Kebavulukilepo bukomo* bwandi,Difuku dyaebakūdile* kudi walwana,+
43 Muswelo waalombwele biyukeno byandi mu Edipito+Ne bingelengele byandi mu ntanda ya Zoane,
44 Ne mwawaalamwinine mikola ya Nile ke mashi+Nabo bakomenwa kutoma ku tuminonga twayo.
45 Watumine milwi ne milwi ya mpekepeke ya kwibadya+Ne byula bya kwibaletela musala.+
46 Wapāna mwangulo wabo ku njie ya kyonakanya,Ne bipa bya mingilo yabo ya masusu ku kibumbo kya njie.+
47 Waonakenye mañanza abo na mvula wa mabwe+Ne mityi yabo ya shikama na mabwe a mvula.
48 Wapēne banyema babo baselanga biselwa ku mvula wa mabwe+Ne bimunanwa byabo ku mapeni.*
49 Webafikidija bulobo bwandi budyendyemuka,Bukalabale bwa mwiko ne kufītwa mutyima ne tusua,Bibumbo bya bamwikeulu baleta kyamalwa.
50 Wasebēle bulobo bwandi dishinda.
Kebapandijepo* ku lufu;Kadi webapēne* ku kipupo kya misongo.
51 Ku mfulo waipaya bana babedi bonso ba Edipito,+Ngalwilo ya bukomo bwabo bwa lubutulo mu mapema a Hama.
52 Penepo watambija bantu bandi pamo bwa luombe+Ne kwibendeja pamo bwa mikōko mu ntanda mutuputupu.
53 Webendeja ne mutyima-ntenke,Kadi kebaivwenepo moyo;+Dijiba dyapūta balwana nabo.+
54 Nandi webaselela mu ntanda yandi ijila,+Ino ntanda ya ngulu yayetwe na kuboko kwandi kwa lundyo.+
55 Wapangile mizo ku meso abo;+Webabila bupyani na lukamba lwa kupima nalo;+Watūla bisaka bya Isalela mu mobo abyo.+
56 Ino abo badi enka basomba* Leza Mwine wa Peulu Mwine, ne kumutombokela;+Kebatelepo mutyima ku bivulujo byandi.+
57 Kadi basāsukile ne kwikala bandalandala pamo bwa bakulutuba babo.+
Kebadipo bakulupilwa pamo’nka bwa buta bwa miketo buzele.+
58 Badi enka bamusanshija na mitenta yabo,+Kadi badi bamukalabaja* bya mwiko na bankishi babo ba mabwe masōnge.+
59 Leza waivwana kadi wakalabala bya mwiko,+Penepo waelelela Isalela.
60 Ku mfulo waleka kipema kya Shilo,+Pema wawaikele’mo umbukata mwa bantu.+
61 Waleka kiyukeno kya bukomo bwandi kyende mu bu misungi;Buya bwandi bwa dyangi nabo mu kuboko kwa walwana.+
62 Wapāna bantu bandi ku kipete+Kadi wakalabela bya mwiko bupyani bwandi.
63 Mudilo waloteja bansongwalume bandi,Kadi bajike bandi nabo kebaimbīlwepo ñimbo ya butundaile.*
64 Babitobo bandi baponene ku kipete,+Kadi bakaji babo ba kishala kebadidilepo.+
65 Penepo Yehova wabūka na aye ubūka mu tulo,+Pamo bwa nkomokomo+ ubūka mu vinyu.
66 Wapanga balwana nandi bajoka;+Webafwija bumvu bwa myaka na myaka.
67 Waela pema wa Yosefa;Katongelepo kisaka kya Efelaimi.
68 Ino watongele kisaka kya Yuda,+Lūlu lwa Ziona, lwasenswe.+
69 Walonga kipandulwe kyandi kīje pamo bwa madiulu,*+Pamo bwa ntanda yashimikile’ko nyeke.+
70 Watonga Davida+ mwingidi wandiWamuyata mu bipombo bya mikōko,+
71 Kwaadi ulama mikōko mikaji yamusha;Wamwalamuna ke mukumbi wa Yakoba, bantu bandi,+
Ne wa Isalela, bupyani bwandi.+
72 Webakumba na mutyima wa bululame,+Ne kwibendeja na maboko a bwino.+
Kunshi kwa Dyani
^ Tala Nshintulwilo ya Bishima.
^ Nansha’mba “bulombodi bwami.”
^ Kishima pa kishima i, “wampikwa kulongolola.”
^ Nansha’mba “lubumbu.”
^ Kishima pa kishima i, “Batompele.”
^ Nansha’mba “byakudya bya muya wabo.”
^ Nansha’mba “bya bamwikeulu.”
^ Nansha’mba “Wa kulubula kinongo.”
^ Kishima pa kishima i, “upūta.”
^ Bibwanika padi i, “Amba mushipiditu wendanga ne kujoka mpika.”
^ Nansha’mba “kusanshija.”
^ Kishima pa kishima i, “kuboko.”
^ Kishima pa kishima i, “dyaebanyongolwele.”
^ Bibwanika padi i, “kukabwa ngitu mudilo.”
^ Nansha’mba “Kapandijepo muya wabo.”
^ Kishima pa kishima i, “wapēne būmi bwabo.”
^ Kishima pa kishima i, “batompa.”
^ Nansha’mba “bamulenga mukao.”
^ Kishima pa kishima i, “Kadi bajike bandi kebatendelwepo.”
^ Kishima pa kishima i, “Waubakile kipandulwe kyandi pamo bwa mitenta.”
