Ñimbo ya Mitōto 9:1-20
Kudi mukulu wa bañomba; pa Mute-Labene.* Lwimbo lwa Davida.
א [Aleph]
9 Nkakutendelanga, a Yehova, na mutyima wami onso;Nkasapulanga mingilo yobe yonso ya kutendelwa.+
2 Nkasangalanga ne kusepelela modi;Nkembilanga dijina dyobe mitendelo, a Mwine wa Peulu Mwine.+
ב [Beth]
3 Shi balwana nami abanyema,+Bakakukala ne koneka ku meso obe.
4 Mwanda ubingijanga mambo ami moloke;Ushikete pa lupona lobe utyiba mambo na boloke.+
ג [Gimel]
5 Ubafunina mizo+ ne konakanya babi,Ubabule dijina dyabo nyeke ne nyekeke.
6 Walwana wasalwa nyeke;Abe wajudile bibundi byabo,Kadi kivulukilo kyabo kyonso kikoneka.+
ה [He]
7 Ino Yehova ubikele nyeke;+Ukomeje pototo lupona lwandi mwanda wa boloke.+
8 Ukatyibila ntanda ikelwe na bantu* mambo mu boloke;+Ukatyibila mizo butyibi bwa mambo boloke.+
ו [Waw]
9 Yehova ukekala kinyemeno kya mutyima-ntenke* kya yewa ususulwa,+Kinyemeno kya mutyima-ntenke mu bitatyi bya tusua.+
10 Boba bayukile dijina dyobe bakakukulupila;+A Yehova, kukelapo nansha dimo boba bakukimba.+
ז [Zayin]
11 Imbilai Yehova mitendelo, aye ushikete mu Ziona;Yukijai bilongwa byandi mu bantu.+
12 Mwanda Yewa ulubula kinongo kya mashi abo wibavulukanga;+Kakelwapo kudila kwa yewa umweshibwa malwa.+
ח [Heth]
13 A Yehova, ntōkelwe mutyima, tala malwa amwesha boba banshikilwe,Abe unangulanga ku bibelo bya lufu,+
14 Amba nsapule bilongwa byobe bya kutendelwa mu bibelo bya mwanā Ziona mwana-mukaji,+Ne kusangela bilongwa byobe bya lupandilo.+
ט [Teth]
15 Mizo ibaponena mu lubao loyakolele;Kulu kwayo kubapi mu bukonde boifile.+
16 Yehova uyukene pa butyibi bwafikidijanga.+
Mubi wapi mu dikinga dya mwingilo wa makasa andi aye mwine.+
Hikaioni.* (Sela)
י [Yod]
17 Babi bakanyemena ku Kibundu,*Mizo yonso ivulaminwa Leza.
18 Inoko balanda abo kebakavulaminibwapo nyeke;+Nansha lukulupilo lwa betyepeje koneka lonso.+
כ [Kaph]
19 A Yehova, imana! Kokaleka muntu wa kufwa anekenye.
Mizo ityibilwe mambo mu meso obe.+
20 Wiikwatyije moyo, a Yehova,+Mizo iyuke amba i bantu’tu ba kufwa. (Sela)
Kunshi kwa Dyani
^ Tala Nshintulwilo ya Bishima.
^ Nansha’mba “ntanda ipa bipa.”
^ Nansha’mba “mutenta wa mutyima-ntenke.”
^ Tala Nshintulwilo ya Bishima.
^ Nansha’mba “Sheole,” ko kunena’mba, kibundu kya bantu bonso. Tala Nshintulwilo ya Bishima.
