Ñimbo ya Mitōto 95:1-11
95 Iyai, twelei nsadi ya tusepo kudi Yehova!
Tutūtyilei Dibwe dyetu dya lupandilo+ kyungwe kya bushindañani.
2 Twayai ku meso andi* ne kumufwija’ko;+Tumwimbilei ne kumutūtyila kyungwe kya bushindañani.
3 Mwanda Yehova i Leza mukatampe,Mulopwe mukatampe kupita baleza bakwabo bonso.+
4 Munshi mwa ntanda mudi mu kuboko kwandi;Ngulu milamila i yandi.+
5 Dijiba, dine dyawalongele, i dyandi,+Kadi makasa andi apungile nshi myūmu.+
6 Iyai, tutōtei ne kwivukwila;Tutapei manwi panshi ku meso a Yehova Mulongi wetu.+
7 Mwanda aye i Leza wetu,Batwe netu twi bantu ba mu madyo andi,Mikōko ya mu buledi bwandi.*+
Dyalelo shi mwivwane diwi dyandi,+
8 Kemwakyūmijai mutyima wenu pamo bwa ku Mediba,*+Pamo bwa mu difuku dya Masa* mu ntanda mutuputupu,+
9 Kitatyi kyauntompele bakulutuba benu;+Baunsombele, nansha byobamwene mingilo yami.+
10 Nakwatyīlwe mukenye lukongo’lwa mu myaka 40, ebiya nanena’mba:
“I bantu basāsuka kyaba kyonso mu mityima yabo;Kebayukilepo mashinda ami.”
11 Penepo natyipa na nsungu amba:
“Kebakatwelangapo mwa kukōkolokwa mwami.”+
Kunshi kwa Dyani
^ Kishima pa kishima i, “ku meso a mpala yandi.”
^ Kishima pa kishima i, “mu kuboko kwandi.”
^ Ko kushintulula’mba “Kwipotomeja.”
^ Ko kushintulula’mba “Kutompa; Ditompo.”
