Isaya 6:1-13
6 Mu mwaka wafwile Mulopwe Uzia,+ namwene Yehova ushikete pa lupona lulampe+ kadi luzunzulwe, milomo ya kivwalwa kyandi yayula mu tempelo.
2 Baselafimi badi bemene peulu pandi; umo ne umo wadi na mapapa asamba. Ense* wadi wipūtyile mu mpala na mapapa abidi, wipūtyile binyantyilo na abidi, kadi ense wadi wipapa na abidi.
3 Penepo umo wabija mukwabo amba:
“Ujila, ujila, ujila i Yehova wa bibumbo.+
Ntanda yonso i miyule ntumbo yandi.”
4 Ebiya bijokolokelo bya lukala lwa pa kibelo byajina na diwi dya kyungwe,* penepo njibo yayula mwishi.+
5 Penepo nanena’mba: “Malwa ami!
Kendi pamo’nka bwa mufwe,*Mwanda amiwa ne muntu wa milomo ya disubi,Kadi nshikete mu bantu ba milomo ya disubi;+Mwanda meso ami abamone Mulopwe, Yehova wa bibumbo aye mwine!”
6 Ponkapo, selafimi umo watumbukila konadi, mu dikasa dyandi mwadi dikala dya mudilo+ dyaayete na nkwato ku kisōkelo.+
7 Watenga kyakanwa kyami kanena’mba:
“Tala! Kino kibatenga milomo yobe.
Mambo obe abatalulwa,Kadi bubi bobe bubapūtwa.”
8 Ebiya naivwana diwi dya Yehova dinena’mba: “I ani le onkatuma, ne i ani uketwendela?”+ Nami nalondolola’mba: “Ami uno! Ntume!”+
9 Nandi watentulula’mba, “Enda, kasapwile bano bantu amba:
‘Mukevwana kyaba ne kyaba,Ino kemukevwanijapo;Mukamona kyaba ne kyaba,Ino kemukekalapo na buyuki nansha bumo.’+
10 Lēmeja mutyima wa bano bantu,+Jika matwi abo,+Kadi pūta meso abo pamo,Amba baleke kumona na meso aboNe kwivwana na matwi abo,Kutyina amba mutyima wabo wakevwanijaNe kwalamuka kadi babelulwe.”+
11 Penepo nanena’mba: “A Yehova, le i kufika ne kitatyi’ka?” Nandi walondolola’mba:
“I kufika ne bikaponena bibundi mu masala ke mwampikwa mwikadiNe pakekala mobo mwampikwa bantuNe pakasalwa ntanda ke masala;+
12 Kufika ne pakapangila Yehova bantu kulampe+Ne bibaila’ko masala a ntanda bininge.
13 “Ino kukekala monka kipindi kimo kya pa bipindi dikumi, kadi ikasōkwa monka, pamo bwa mutyi mukatampe ne pamo bwa mutyi wa shene, ishiyanga kitako shi ibatētwa; lukunwa* lujila lukekala kitako kyayo.”
Kunshi kwa Dyani
^ Nansha’mba “Aye.”
^ Kishima pa kishima i, “diwi dya yewa wita.”
^ Kishima pa kishima i, “Natalajibwa nyā.”
^ Nansha’mba “lutundu.”
