Nehemia 3:1-32
-
Kūbakululwa kwa mumbu (1-32)
3 Penepo Ediashibi+ kitobo mukatampe ne banababo babitobo baimana kukōbaka Kibelo kya Mikōko.+ Bekipandula,*+ batūla ne milango yakyo; bekipandula kufika ne ku Kiteba kya Mea,+ kufika ne ku Kiteba kya Hananela.+
2 Kubwipi nabo, kwadi bana-balume ba Yediko+ badi bōbaka; kadi kubwipi nabo, kwadi Zakula mwanā Imidi wadi ūbaka.
3 Bana ba Hasena baubakile Kibelo kya Mwita wa Lui;+ bekishimikila mityi+ kupwa batūla ne milango yakyo, tulé, ne mikabo yakyo.
4 Kubwipi nabo, kwadi Melemote+ mwanā Udiya mwanā Hakoze wadi wingila mwingilo wa kulongolola, kadi kubwipi nabo, kwadi Meshulama+ mwanā Belekia mwanā Meshezabele wadi wingila mwingilo wa kulongolola, kadi kubwipi nabo, kwadi Zadoki mwanā Baana wadi wingila mwingilo wa kulongolola.
5 Kubwipi nabo, kwadi bene Tekoa+ badi bengila mwingilo wa kulongolola, ino bantu babo ba ntumbo kebetyepejepo mwanda wa kwingila* mingilo ya bamfumwabo.
6 Yoiada mwanā Pasea ne Meshulama mwanā Besodeia balongolola Kibelo kya Kibundi kya Kala;+ bekishimikila mityi kupwa batūla ne milango yakyo, tulé, ne mikabo yakyo.
7 Kubwipi nabo, kwadi Melatia mwine Ngibeone+ ne Yadone mwine Melonote badi bengila mwingilo wa kulongolola, bana-balume ba Ngibeone ne Mizipa+ badi mu lupusa lwa* mbikavu wa ntanda ya Bukila bwa Munonga.*+
8 Kubwipi nabo, kwadi Uziele mwanā Halahaia, sendwe wa olo,* wadi wingila mwingilo wa kulongolola, kadi kubwipi nandi, kwadi Hanania, muntu usobakanyanga māni a kwishinga,* wadi wingila mwingilo wa kulongolola; baadile mabwe mu Yelusalema kufika ne ku Lubumbu Lukatampe.+
9 Kubwipi nabo, kwadi Lefaia mwanā Hula, mfumu wa kipindi kimo kya ntanda ya Yelusalema, wadi wingila mwingilo wa kulongolola.
10 Kubwipi nabo, kwadi Yedaia mwanā Halumafe wadi wingila mwingilo wa kulongolola kampalampala na yandi njibo, kadi kubwipi nandi, kwadi Hatushe mwanā Hashabeneya wadi wingila mwingilo wa kulongolola.
11 Malekiya mwanā Hadime+ ne Hashubu mwanā Pahata-Moabu+ balongolola kipindi* kikwabo, ne Kiteba kya Mafūlu.+
12 Kubwipi nabo, kwadi Shalumu mwanā Haloheshe, mfumu wa kipindi kimo kya ntanda ya Yelusalema, wadi wingila mwingilo wa kulongolola, pamo ne bandi bana bana-bakaji.
13 Hanune ne bekadi ba Zanoa+ balongolola Kibelo kya Musanza;+ bekyubaka kupwa batūla ne milango yakyo, tulé, ne mikabo yakyo, kadi balongolola maboko 1 000* a lubumbu kufika ne ku Kibelo kya Byala bya Buto.+
14 Malekiya mwanā Lekaba, mfumu wa kipindi kya ntanda ya Bete-Hakeleme,+ walongolola Kibelo kya Byala bya Buto; wekyubaka watūla ne milango yakyo, tulé, ne mikabo yakyo.
15 Shalunu mwanā Kolehoze, mfumu wa kipindi kya ntanda ya Mizipa,+ walongolola Kibelo kya Nsulo;+ wekyubaka ne musaka wakyo, watūla ne milango yakyo, tulé, ne mikabo yakyo, kadi walongolola ne lubumbu lwa Kijiba+ kya Mukola kubwipi na Budimi bwa Mulopwe+ kufika ne ku Lukala+ lutamba ku Kibundi kya Davida lwenda lutūka.+
16 Kupwa aye, ke Nehemia mwanā Azebuke, mfumu wa kipindi kya ntanda ya Bete-Zule,+ wadi wingila mwingilo wa kulongolola tamba kampalampala na Matanda a Kujīka’mo a Davida+ kufika ne ku kijiba+ kyaubakilwe, kufika ne ku Njibo ya Bakomokomo.
17 Kupwa aye, ke bene Levi badi bengila mwingilo wa kulongolola: Lehumi mwanā Bani; kadi kubwipi nandi, kwadi Hashabia, mfumu wa kipindi kimo kya ntanda ya Keila,+ wadi wingila mwingilo wa kulongolola kipindi kyandi kya ntanda.
18 Kupwa aye, ke banababo badi bengila mwingilo wa kulongolola: Bavai mwanā Henadade, mfumu wa kipindi kimo kya ntanda ya Keila.
19 Kubwipi nandi, kwadi Ezelu mwanā Yeshua,+ mfumu wa Mizipa, wadi ulongolola kipindi kikwabo kampalampala na mukuna wenda ku Njibo ya Byabulwi ku Ditungi.+
20 Kupwa aye, ke Baluki mwanā Zabai+ wadi wingila na kininga, walongolola kipindi kikwabo, tamba ku Ditungi kufika ne ku kibelo kya njibo ya Ediashibi+ kitobo mukatampe.
21 Kupwa aye, ke Melemote+ mwanā Udiya mwanā Hakoze walongolola kipindi kikwabo, tamba ku kibelo kya njibo ya Ediashibi kufika ne ku mfulo kwa njibo ya Ediashibi.
22 Kupwa aye, ke babitobo, bana-balume ba kipindi kya ntanda ya Yodano,*+ badi bengila mwingilo wa kulongolola.
23 Kupwa abo, ke Benjemani ne Hashubu badi bengila mwingilo wa kulongolola kampalampala na yabo njibo. Kupwa abo, ke Azadia mwanā Maaseya mwanā Anania wadi wingila mwingilo wa kulongolola kubwipi na yandi njibo.
24 Kupwa aye, ke Binui mwanā Henadade walongolola kipindi kikwabo, tamba ku njibo ya Azadia kufika ne ku Ditungi,+ kufika ne ku difinko.
25 Kupwa aye, ke Palala mwanā Uzai wadi wingila mwingilo wa kulongolola kampalampala na Ditungi ne kiteba kitamba ku Njibo* ya Mulopwe,+ kya pangala kya Kipango kya Balami.+ Kupwa aye, ke Pedaya mwanā Paloshi.+
26 Bengidi ba ku tempelo*+ badi bekala mu Ofele+ nabo baingila mwingilo wa kulongolola kufika ne kampalampala na Kibelo kya Mema+ kutunduka ne kiteba kisomoke.
27 Kupwa abo, ke bene Tekoa+ balongolola kipindi kikwabo, tamba kampalampala na kiteba kikatampe kisomoke kufika ne ku lubumbu lwa Ofele.
28 Babitobo badi bengila mwingilo wa kulongolola peulu pa Kibelo kya Tubalwe,+ ense kampalampala na yandi njibo.
29 Kupwa abo, ke Zadoki+ mwanā Imele wadi wingila mwingilo wa kulongolola kampalampala na yandi njibo.
Kadi kupwa aye, ke Shemaia mwanā Shekania, kalama wa ku Kibelo kya Kutunduka,+ wadi wingila mwingilo wa kulongolola.
30 Kupwa aye, ke Hanania mwanā Shelemia ne Hanune mwana wa busamba wa Zalafa, balongolola kipindi kikwabo.
Kupwa aye, ke Meshulama+ mwanā Belekia wadi wingila mwingilo wa kulongolola kampalampala na yandi njibo.*
31 Kupwa aye, ke Malekiya, wa mu kitango kya basendwe ba olo, wadi wingila mwingilo wa kulongolola kufika ne ku njibo ya bengidi ba ku tempelo*+ ne bansunga, kampalampala na Kibelo kya Kubandaula kufika ne ku kyumba kya pangala kya ku difinko.
32 Pa bukata bwa kyumba kya pangala kya ku difinko ne Kibelo kya Mikōko,+ basendwe ba olo ne bansunga badi bengila’po mwingilo wa kulongolola.
Kunshi kwa Dyani
^ Nansha’mba “Bekipāna.”
^ Kishima pa kishima i, “kebatwejejepo nshingo yabo mu.”
^ Nansha’mba “ya Bukila bwa Ufalete.”
^ Kishima pa kishima i, “ba ku lupona lwa.”
^ Nansha’mba “nsahabu.”
^ Nansha’mba “uloñanga māni a mwenye.”
^ Nansha’mba “kipindi kipime.”
^ Kintu kya mametele 445 (mayo 1 460). Tala Mbwejo B14.
^ Bibwanika padi i, “kubwipi na kipindi kya ntanda.”
^ Nansha’mba “Njibo Mikatakata.”
^ Nansha’mba “Bene Netini.” Kishima pa kishima i, “Bapānwe.”
^ Nansha’mba “kyumba.”
^ Nansha’mba “bene Netini.” Kishima pa kishima i, “bapānwe.”
