Nkindi 30:1-33
30 Mwanda musumininwe udi mu binenwa bya Akula mwanā Yake, byawesambile kudi Itiele, kudi Itiele ne Ukala.
2 Ami nkiyukilepo bintu ne mupitwe na bantu bonso,+Kadi ne mubulwe ñeni ifwaninwe kwikala na muntu.
3 Nkyefundilepo tunangu,Kadi nkidipo na buyuki bwa Mwine Ujila Nakampata.
4 Le i ani wakandile mūlu kupwa watūka?+
Le i ani wakongakenye luvula mu bikasala bya maboko onso abidi?
Le i ani wavungile mema mu kivwalwa kyandi?+
Le i ani watūdile’ko* mafulo onso a ntanda?+
Le dijina dyandi i ani ne dijina dya wandi mwana—shi uyukile?
5 Binenwa byonso bya Leza i bitōka tō.+
Aye i ngabo ku boba banyemena mwadi.+
6 Kokabweja kintu ku binenwa byandi,+Shi bitupu ukakudingila,Kadi nobe ukekala mbepai.
7 Nakulombe bintu bibidi.
Kokansuminwa’byo kumeso kwa ami kufwa.
8 Ntalwile kulampe kubulwa bubine ne bubela.+
Kokampa bulanda nansha bupeta.
Ndeke’tu ndye kipindi kyami kya byakudya,+
9 Kutyina’mba nakekuta kenkutune ne kunena’mba, “Le Yehova mwine i ani?”+
Kadi kokandeka ngikale mulanda nakeba ne kufutulwija* dijina dya Leza wami.
10 Kokavubakenya mwingidi myanda kudi mfumwandi,Shi bitupu ukakufinga kadi nobe ukapya mambo.+
11 Kudi lukongo lufinga shandiKadi kelweselangapo inandi.+
12 Kudi lukongo lutōka ku meso a alo lwine+Ino kelutōkejibwepo ku busala* bwalo.
13 Kudi lukongo lwa meso ezunzula biningeKadi lwa meso atala bya kibengo bininge!+
14 Kudi lukongo lwa meno a bipete,Lwa bibanga bya mpete ya kutapa nayo;Bibokota bantu bapēlulwe ba pa ntandaNe balanda ba mu bukata mwa bantu.+
15 Minsundu idi na bana babidi bana-bakaji banena’mba, “Leta! Leta!”
Kudi bintu bisatu kebīkutangapo,Biná kebinenangapo nansha dimo amba, “Kubapu!”
16 —Kibundu*+ ne ndá ya ñumba,Ntanda yampikwa mema,Ne mudilo keunenangapo nansha dimo amba, “Kubapu!”
17 Diso dibenga shandi kadi difutulula kukōkela inandi+—Binkombe bya mu musanza* bikabongotola’dyo,Kadi mikebo myana ikadya’dyo.+
18 Kudi bintu bisatu byonkibwanyapo kwivwanija,*Ne biná byonkivwanijepo:
19 Dishinda dya mukebo mūlu,Dishinda dya nyoka pa dibwe,Dishinda dya kyombo mu dijiba,Ne dishinda dya mwana-mulume na nsongwakaji.
20 Dino’di dyo dishinda dya mwana-mukaji wa makoji:
Udyanga, wepampula ku kanwa;Kupwa kanena’mba, “Nkilongelepo kibi.”+
21 Kudi bintu bisatu bijinyanga ntandaNe bintu biná byokeibwanyapo kūminina:
22 Shi umpika wabikala bu mulopwe,+Shi mulembakane wavudija byakudya,
23 Shi mwana-mukaji obashikilwe* wasongwe,Ne shi mwingidi mwana-mukaji wapingakena* mfumwandi mwana-mukaji.+
24 Bintu biná pano pa ntanda i bityetyetyetye,Ino abyo na tunangu twa kitetyima:*+
25 Tunyengelele ke bipangwapo bya bukomo,*Ino ato tuteakanyanga byakudya byato mu bushipo.+
26 Badama*+ ke bipangwapo bya bukomo,*Ino baloñanga njibo yabo mu bimabwe.+
27 Njie+ keidipo na mulopwe,Ino ayo yonso yendanga kumeso mu mulongo.*+
28 Kilōko+ kilamatanga na maulu akyo,Kadi kitwelanga mu njibo mikatakata ya mulopwe.
29 Kudi bintu bisatu bitabulanga biyampe,Biná byendanga biyampe:
30 Ntambo, nyema mutabuke bukomo,Kanyemangapo muntu;+
31 Mbwa; mbuji mulume;Ne mulopwe udi na kibumbo kyandi kya divita.
32 Shi ubezunzula bya bulembakane+Nansha shi ulañanga kwizunzula,Tūla kuboko pa kyakanwa kyobe.+
33 Mwanda kusunkumbya mabele kulupulanga bulebaKadi kunyuka mulu nako kutambijanga mashi,Mo monka ne kukolomona bulobo nako kuletanga lupotopoto.+
Kunshi kwa Dyani
^ Kishima pa kishima i, “waimikile.”
^ Nansha’mba “kutamba.”
^ Kishima pa kishima i, “tuvwi.”
^ Nansha’mba “Sheole,” ko kunena’mba, kibundu kya bantu bonso. Tala Nshintulwilo ya Bishima.
^ Nansha’mba “kinekaneka.”
^ Nansha’mba “i bya kutendelwa bininge kondi.”
^ Nansha’mba “mulumbe.”
^ Nansha’mba “wayata kyaba kya.”
^ Nansha’mba “bidi na tunangu tupitepite.”
^ Kishima pa kishima i, “ke bantu bakomopo.”
^ Kishima pa kishima i, “ke bantu bakomopo.”
^ Nansha’mba “Bankumbi.”
^ Nansha’mba “miabanye mu bisumpi.”
