Wifunde ne pa mfulo myanda yokanena. Ivwanija mwanda senene amba ubwanye kwiushintulula mu muswelo upēla kadi mu byobe bishima.

Nena misemwa mīpimīpi ne binenwa bipēla. Nansha bitabijibwe misemwa milampe, nena myanda mikatampe na binenwa ne misemwa mīpi.

Shintulula bishima kebiyukenepo. Leka kunena bishima kebiyukilwepo na bevwaniki bobe. Shi bilomba kutela kishima, muntu utelelwe mu Bible, bipimo bya pa kala nansha bibidiji kebiyukenepo, nabya shintulula’byo.