Nzambi nnganyi?
Bantu ba bungi batu bamba ne: batu bitabuja Nzambi. Kadi wewe mubebeje ne: Nzambi nnganyi neupete mandamuna mashilangane. Bua bamue, Nzambi mmulumbuluishi wa tshikisu udi unyoka bantu bua bilema biabu. Bua bakuabu, Nzambi utu anu munange bantu ne ubafuila luse nansha bobu benze malu a mushindu kayi. Banga pabu badi bela meji ne: Nzambi udi kule menemene ne katu uditatshisha bua bualu buetu to. Bu mudiku mmuenenu mishilangane, bantu ba bungi badi bela meji ne: mbikole bua kumanya Nzambi.
Kumanya Nzambi kudi ne mushinga anyi? Eyowa. Kumanya Nzambi bimpe menemene kudi mua kukupetesha nsombelu muimpe udi ne tshipatshila. (Bienzedi 17:26-28) Paudi wenda usemena pabuipi ne Nzambi neakunange bikole ne neakuambuluishe. (Yakobo 4:8) Ndekelu wa bionso, kuikala ne dimanya dijalame dia Nzambi kudi mua kutufikisha ku muoyo wa tshiendelele.—Yone 17:3.
Mmunyi muudi mua kufika ku dimanya Nzambi? Ela meji bua muntu uudi mumanye bimpe, bu mudi mulunda webe pa muoyo. Nuakafika ku didia bulunda mushindu kayi? Pamuapa wakatuadija kumanya dîna dia muntu au, ngikadilu yende, bidiye musue ne bidiye kayi musue, malu adiye muenze ne adiye upangadija bua kuenza, ne bikuabu kabidi. Malu aa ke avua makusemeje pabuipi ne muntu au, mmumue ne: wakalonga bua kumumanya.
Bia muomumue, tudi mua kufika ku dimanya Nzambi tuetu bakonkonone malu adi alonda aa:
Tshibejibeji etshi tshidi tshifila mandamuna a mu Bible bua nkonko eyi. Biena-bualu ebi nebikuambuluishe bua kumanya Nzambi ne masanka awapeta wewe mudie nende bulunda.
Mona bikuabu:
TSHIBUMBA TSHIA NSENTEDI
Dîna dia Nzambi nnganyi?
Udi mumanye ne: Nzambi udi ne dîna didi dimuleja mu mushindu wa pa buawu anyi?
TSHIBUMBA TSHIA NSENTEDI
Tudiku mua kumanya tshidi Nzambi bulelela anyi?
Ngikadilu ya Nzambi itudi katuyi mua kumvua idi mua kukuambuluisha bua kumumanya bimpe menemene.
