Masama a mitu ndutatu ludi pa buloba bujima
“Ntu imue misangu ndimona tshiyi ne dikisha nansha meme musombe nkayanyi mu nzubu.”
“Pantu ndiumvua bimpe menemene, bitu bingenza buôwa. Nkadi mumanye ne: meme ngumvua disanka ‘dia bungi’ disanka adi ditu dilua dibungama ‘dikole’ mu tshitupa tshîpi.”
“Ntu ndienzeja bua kuimanyina anu pa malu a ku dituku, kadi kudi misangu mikuabu itu malu a matuku a bungi atuadija kunsamisha mutu onso musangu umue.”
Mêyi aa mmamba kudi bantu badi ne masama a mitu. Udiku umvua pebe nanku anyi? Kudi muntu uudi munange udi umvua nanku?
Ikala mutuishibue ne: kuena nkayebe to. Lelu eu bantu ba bungi badi bakenga ne masama a mitu, abu bobu bine anyi a bantu badibu banange.
Kakuyi mpata, tudi mu “bikondo bia malu makole bidi bikole mua kupita nabi” bidi bikebesha ntatu ya bungi ya mishindu ne mishindu. (2 Timote 3:1) Padibu benze amue makebelula mbaleje ne: pa bantu 8 pa buloba bujima, badi mua kupeta muntu nansha umue udi ne disama dia mutu. Mu 2020, anu bua tshipupu tshia disama dia korona, bantu batue ku 26 pa lukama mbashale basumpakana ne bakuabu batue ku 28 pa lukama mbapete disama dikole dia kabungame kupita muvuabi mu 2019.
Mbia mushinga bua kumanya mudi bantu ba bungi lelu bakenga ne masama a mitu. Kadi mbitambe kuikala ne mushinga kabidi bua kumanya muudi wewe umvua dikenga adi ne mudi baudi munange badiumvua pabu.
Tshidi kuikala ne mutu mujima kumvuija
Padi mutu webe bimpe, udi umvua mubidi webe wonso muimpe, wenza malu ebe bimpe. Udi mua kutua tunyinganyinga tua matuku onso tshiadi, kuenza mudimu bimpe, ne kumvua disanka mu nsombelu.
Masama a mitu . . .
-
KAENA afumina ku butekete bua muntu to.
-
OWU mmasama adi akengesha muntu bikole, anyanga lungenyi luende, amupangisha didikanda, amutatshisha mu malu onso adiye wenza.
-
Adi misangu ya bungi mua kupangisha muntu mua kusomba ne bakuabu ne mua kumanya mua kupita ne malu a ku dituku ne ku dituku.
-
Adi mua kukuata bantu ba bidimu bionso, ba bilele bionso, ba makoba onso, ba bisa bionso, ba bitendelelu bionso, badi balonge tulasa tushilashilangane, anyi badi ne makuta.
Mua kupeta diambuluisha
Pikalabi ne: bikadilu biebe (anyi bia muntu uudi munange) mbishintuluke bikole, ukadi ulala bikole anyi kutshiyi umona tulu, ukadi udia tshidiadia anyi kutshiyi ni didia dia nsongo, peshi muikale anu ukengakana ne lungenyi anyi usumpakana, peshi muikale ne dibungama dia munenganenga, mbimpe uye kua badi ne dimanya dikumbane bua bakuleje tshidi tshikutatshisha ne mua kutshijikija. Kadi nkuepi kukuabu kunudi mua kupetela diambuluisha?
Yezu Kristo muena meji wa katshia ne katshia wakamba ne: “Bantu badi ne makanda a mubidi kabatu dijinga ne munganga to, kadi badi basama ke batu nende dijinga.” (Matayi 9:12) Bantu badi ne masama a mitu, padibu bapeta luondapu luimpe ne manga adi makumbane, bimanyinu bia masama abu bidi mua kukepela bikole ne badi mua kubambuluisha bua bikale ne nsombelu muimpe bu wa bantu bonso. Ki mbimpe baladikije malu bua kukeba luondapu pakadi bimanyinu bia masama abu bikole anyi binenge matuku a bungi to. a
Nansha mudi Bible kayi mukanda wa malu a luondapu, udi ne malu adi mua kuambuluisha badi ne masama a mitu. Tudi tukulomba ne muoyo mujima bua ubale biena bualu bidi bilonda ebi, bikala mua kuleja mudi Bible mua kuambuluisha badi ne masama a mitu.
a Mu Tshibumba tshia Nsentedi etshi kabena baleja muntu mushindu kampanda wa luondapu musunguluke to. Muntu yonso udi ne bua kukonkonona mishindu ya luondapu idibu bamuambila bua kulonda kumpala kua kuangataye dipangadika.
Mona bikuabu:
MANDAMUNA A NKONKO YA MALU A MU BIBLE
Bible udi mua kungambuluisha mu disama dia dibungama dikole anyi?
Kudi bintu bisatu bidi Nzambi upesha bantu ne tshianza tshilekelela bua kubambuluisha bua bapite bimpe ne dibungama dikole.
MALONGESHA A MU BIBLE A NSHINDAMENU
Nzambi mmulekele makenga bua tshinyi?
Bible udi ufila diandamuna dimpe didi dikolesha.
NUSHALE BATABALE!
Divulangana dia masama a mitu mu bana ba bitende—Ntshinyi tshidi Bible wamba?
Bible udi ufila mibelu mimpe idi yambuluisha bana ba bitende badi ne kanyinganyinga.
MALU ETU
Lomba bua balue kukutangila
Tata lukonko lua malu a mu Bible, anyi longa malu a bungi adi atangila Bantemu ba Yehowa.
