Ntshinyi tshidi Bible wamba?
Nzambi utu ne dîna anyi?
BAMUE BANTU BADI BELA MEJI NE: Katu ne dîna to, bakuabu bobu badi bamba ne: dîna diende n’Nzambi anyi Mukalenge eku banga pabu bamba ne: udi ne mêna a bungi. Udi wela meji kayi?
TSHIDI BIBLE WAMBA
‘Wewe nkayebe, ngudi muidike dîna dia Yehowa, udi Mutambe Bunene wa pa mutu pa buloba bujima.’—Musambu 83:18.
MMALU KAYI MAKUABU ATUDI TULONGA MU BIBLE?
Nansha mudi Nzambi ne mianzu ya bungi, kadi mmudinyike anu dîna dimue.—Ekesode 3:15.
Ki mbikole bua kumvua tshidi Nzambi to, mmusue bua tulonge bua kumumanya.—Bienzedi 17:27.
Kumanya dîna dia Nzambi ke tshidia tshia kumpala bua kudia nende bulunda.—Yakobo 4:8.
Mbibi bua kutela dîna dia Nzambi anyi?
UDI MUA KUANDAMUNA BISHI?
Eyowa
Tòo
Bilondeshile muntu ne muntu
TSHIDI BIBLE WAMBA
‘Kutedi dîna dia Yehowa, Nzambi webe, tshitelatela’ (Ekesode 20:7) Mbibi bua kutela dîna dia Nzambi anu mu mushindu udi uleja ne: katuena tudinemeka to.—Yelemiya 29:9.
MMALU KAYI MAKUABU ATUDI TULONGA MU BIBLE?
Yezu uvua mumanye dîna dia Nzambi ne uvua uditela.—Yone 17:25, 26.
Nzambi udi utulomba bua kubikila dîna diende.—Musambu 105:1.
Bena lukuna ba Nzambi badi basaka bantu bua kupua dîna dia Nzambi muoyo.—Yelemiya 23:27.
Mona bikuabu:
MALONGESHA A MU BIBLE A NSHINDAMENU
Nzambi utu ne dîna anyi?
Nzambi utu ne mianzu ya bungi bu mudi Wa Bukole Buonso, Mufuki, ne Mukalenge. Kadi dîna dia Nzambi didi disanganyibua mu Bible misangu mipite pa 7 000.
MANDAMUNA A NKONKO YA MALU A MU BIBLE
Nzambi udi ne mêna bungi kayi?
Bantu badi mua kuela meji ne: mêna aa mmêna a Nzambi: ‘Allah,’ ‘El Shaddai,’ ‘Yehowa-yile,’ ‘Alfa ne Omega.’ Bua tshinyi dîna ditudi tubikila Nzambi didi ne bualu?
MANDAMUNA A NKONKO YA MALU A MU BIBLE
Dîna dia Nzambi nYezu anyi?
Yezu katu muanji kudiangata bu Nzambi Wa Bukole Buonso nansha. Bua tshinyi?
