Lumingu lua dia 2-8/9
MISAMBU 79-81
Musambu wa 29 ne disambila | Mêyi a mbangilu (Mun. 1)
1. Nanga Dîna dia Yehowa dia butumbi
(Min. 10)
Kuenji malu adi apendeshisha Yehowa to (Mis 79:9; w17.02 9 §5)
Bila dîna dia Yehowa (Mis 80:18; ijwbv 3 §4-5)
Bantu badi batumikila Yehowa ne banange dîna diende, udi ubafuta bikole (Mis 81:13, 16)
Bua bienzedi bietu kulejabi mudi dîna dia Yehowa dia tshijila, tudi ne bua kuenza malu adi aleja ne: tudi Bantemu bende
2. Bubanji bua mu Dîyi dia Nzambi
(Min. 10)
-
Mis 80:1: Bua tshinyi imue misangu bavua batela dîna dia Jozefe bua kuakula bua bisamba bionso bia Isalelel? (it-2-F 53 §3-4)
-
Mbubanji kayi bua mu Dîyi dia Nzambi buudi mupete mu dibala dia Bible dia lumingu elu?
3. Dibala dia Bible
(Min. 4) Mis 79:1–80:7 (th dilonga dia 10)
4. Mua kubanga kuyukila ne muntu
(Mun. 1) KU NZUBU NE KU NZUBU. Lomba muntu bua nutuadije kulonga nende Bible. (lmd dilongesha 4, kamutu ka bualu 4)
5. Mua kubanga kuyukila ne muntu
(Min. 3) PADI MPUNGA UMUENEKA. Lomba muntu bua nutuadije kulonga nende Bible. (lmd dilongesha 4, kamutu ka bualu 3)
6. Mua kubanga kuyukila ne muntu
(Min. 2) MUABA UDI BANTU BA BUNGI. Lomba muntu bua nutuadije kulonga nende Bible. (lmd dilongesha 3, kamutu ka bualu 3)
7. Dipinganyina muntu
(Min. 5) KU NZUBU NE KU NZUBU. Lomba muntu uvua mubenge kulonga Bible kumpala bua nutuadije kulonga nende. (lmd dilongesha 8, kamutu ka bualu 3)
Musambu wa 10
8. “Nebajidile Dîna dianyi”
(Min. 15) Diyukidilangana.
Satana wakabanga kushiminyina dîna dia Yehowa malu mu budimi bua Edene. Katshia anu dîba adi, bantu ne banjelu badi kumpala kua dipangadika dinene dia kuangata, dia kubingisha dîna dia Yehowa anyi kubenga kudibingisha.
Tuakulayi bua malu makese tshianana a dishima adi Satana mumuangalajile Yehowa. Udi umuamba mudiye Nzambi wa tshikisu muena malu makole. (Gen 3:1-6; Yob 4:18, 19) Udi wamba mudi batendeledi bende kabayi bamunange menemene to. (Yob 2:4, 5) Mmufikishe too ne bantu miliyo ya bungi ku ditaba ne: Yehowa ki ngudi mufuke bintu bionso bilenga bidi pa buloba apa to.—Lom 1:20, 21.
Udi umvua munyi bua malu adibu bashiminyina Yehowa au? Pamuapa bidi bikusaka bua kuakuila Yehowa! Yehowa uvua mumanye ne: batendeledi bende bavua ne bua kujidila dîna diende. (Fuanyikija ne Yeshaya 29:23.) Ntshinyi tshiudi pebe mua kuenza?
-
Ambuluisha bakuabu bua bamanye Yehowa ne bamunange. (Yne 17:25, 26) Ikala mudiakaje bua kujadikila bantu ne: Nzambi udiku. Balongesha ngikadilu yende milenga ya dikema.—Yes 63:7
-
Nanga Yehowa ne muoyo mujima. (Mat 22:37, 38) Tumikila mikenji ya Yehowa. Kuyitumikidi anu bualu idi ikupetesha diakalenga to, kadi mbualu udi musue kumusankisha.—Nsu 27:11
Ela FILME wa Dinanga kadiena dishikila . . . Nansha bantu benza malu mabi mu kalasa. Pashishe webeje bateleji ne:
-
Mmunyi muvua Ariel ne Diego bakuile dîna dia Yehowa?
-
Ntshinyi tshivua tshibasake bua kuakuila Yehowa?
-
Mmunyi muudi pebe mua kubidikija?
9. Dilonga dia Bible dia tshisumbu
(Min. 30) bt nshap. 15 §1-7, ne mêyi a mbangilu a tshitupa 6
