Buloba ebu budi mu bianza bia nganyi menemene?
Buebe wewe:
-
mbia Nzambi anyi?
-
mbia bantu anyi?
-
mbia muntu mukuabu anyi?
TSHIDI BIBLE WAMBA
“Buloba bujima budi mu bukokeshi bua Mubi.”—1 Yone 5:19, Muanda Mulenga Lelu
“Muana wa Nzambi wakumueneshibua bua kubutula midimu ya Diabolo.”—1 Yone 3:8.
MUDI MVESE EYI IKUAMBULUISHA
Udi umvua bimpe bua tshinyi kudi ntatu pa buloba.—Buakabuluibua 12:12.
Udi umanya bua tshinyi malu nealongoloke pa buloba.—1 Yone 2:17.
TUDI NE BUA KUITABA TSHIDI BIBLE WAMBA ANYI?
Eyowa, bua malu asatu aa:
-
Bukokeshi bua Satana nebujike. Yehowa mmulongolole bua kujikija dikokesha dia Satana pa bantu. Udi utulaya bua ‘kuvuija Diabolo tshianana’ ne kujikija ntatu yonso idiye mukebeshe.—Ebelu 2:14, Nkudimuinu wa bulongolodi bupiabupia.
-
Nzambi mmusungule Yezu Kristo bua kukokesha buloba. Yezu mmushilangane bikole ne mfumu wa ndongoluelu eu udi muena tshikisu ne mudinangi. Nzambi mmulaye bua bukokeshi bua Yezu ne: “Yeye neumvuile bapuekele ne bapele luse . . . Neabasungile ku dikengeshibua ne ku tshikisu.”—Misambu 72:13, 14.
-
Nzambi katu ushima to. Bible udi wamba ne: ‘Nzambi kena mua kushima’ to. (Ebelu 6:18) Padi Yehowa ulaya bualu, mbienze anu bu ne: ukadi mubukumbaje! (Yeshaya 55:10, 11) “Mukokeshi wa buloba ebu neipatshibue.”—Yone 12:31.
LUKONKO LUA KUELELA MEJI
Pumbushabu mukokeshi wa buloba ebu, malu neikale mushindu kayi pa buloba?
Bible udi wandamuna lukonko elu mu MISAMBU 37:10, 11 ne mu BUAKABULUIBUA 21:3, 4.
Mona bikuabu:
TSHIBUMBA TSHIA NSENTEDI
Bua tshinyi mbikole bua kupeta ditalala pa buloba?
Nansha mudi bantu ba bungi benza ne muabu muonso bua kuteka ditalala pa buloba, kabena anu bakokesha bualu ebu to. Mona bua tshinyi mbienzeke nanku.
MALONGESHA A MU BIBLE A NSHINDAMENU
Nzambi mmulekele makenga bua tshinyi?
Bible udi ufila diandamuna dimpe didi dikolesha.
MANDAMUNA A NKONKO YA MALU A MU BIBLE
Diabolo utuku menemene anyi?
Diabolo mbubi nansha lungenyi lua bubi patupu munda mua bantu anyi, peshi mmuntu utuku menemene?
TSHIBUMBA TSHIA NSENTEDI
Tudi ne bua kutshina Satana anyi?
Nzambi mmulongolole mishindu inayi idi mua kukukuba ku mateyi a Satana.
MALU ETU
Bua tshinyi mbimpe kulonga Bible?
Bible utu wandamuna nkonko minene itu bantu miliyo ya bungi pa buloba bujima badiela. Udi musue pebe kupeta mandamuna a yebe nkonko anyi?
MALU ETU
Lomba bua balue kukutangila
Tata lukonko lua malu a mu Bible, anyi longa malu a bungi adi atangila Bantemu ba Yehowa.
