Barua mar Adek mar Johana 1:1-14
1 An jaduong’, andikoni in Gayo, jal ma ageno kendo ma ahero gadier.
2 In jal ma ahero, alamo ni mondo idhi nyime maber e weche duto, kendo ibed mangima, mana kaka sani idhi maber e ngimani.
3 Nikech ne ail ahinya ka owete nobiro mi gichiwo neno ni imakori gi adiera, mana kaka sani idhi nyime wuotho e adiera.+
4 Onge gima duong’ ma dimi abed mamor* ma loyo wachni: ni asik ka awinjo ni nyithinda dhi nyime wuotho e adiera.+
5 In jal ma ahero, isenyiso ni in ng’at migeno kuom gik ma itimo ne owete, kata obedo ni ikiagi.+
6 Gisechiwo neno e nyim kanyakla kuom wach herani. Akwayi ni ikowgi e yo mowinjore e wang’ Nyasaye.+
7 Nimar ne giwuok mondo gidhi nikech nyinge, ma ok gikawo gimoro amora+ kuom jo ma oa e ogendni mamoko.
8 Omiyo, wan onego warwak jo ma kamago e yo maber,+ mondo wabed jotich ma tiyo kanyachiel e adiera.+
9 Ne andiko wach moro ne kanyakla, to Diotrefe mohero ketore jatelo e kindgi+ ok rwak wach moro amora moa kuomwa e yor luor.+
10 Mano e momiyo ka abiro, anael gik ma otimogo, kaka okeyo weche maricho kuomwa.+ E wi mago, otamore rwako owete+ e yor luor; otamo jo ma dwaro rwakogi timo kamano, kendo oriembogi e kanyakla.
11 In jal ma ahero, kik iluw tim marach, to luw gima ber.+ Ng’at ma timo gik mabeyo en ng’at ma Nyasaye chiko.+ To ng’at ma timo gik maricho pok oneno Nyasaye.+
12 Jogo duto osechiwo neno ni Demetrio nigi nying maber kendo adiera mowuothoe bende nyiso mano. Kuom adier, wan bende wachiwo neno kuome, kendo ung’eyo ni neno ma wachiwono en adier.
13 An gi weche mang’eny monego andiknu, to ok daher ndikonugi gi kalam kod wino.
14 Kata kamano, ageno nenou machiegni, kendo wabiro wuoyo wang’ gi wang’.
Kuwe mondo obed kodu.
Osiepewa ooronu mos. Mosnauru moro ka moro kuom osiepewa ka utiyo gi nyinggi.
Weche Moler Piny
^ Kata nyalo bedo, “ma dimi ago erokamano.”
